yaśśivō nāmarūpābhyāṃ
yā dēvī sarvamaṃgalā |
tayōssaṃsmaraṇāt puṃsāṃ
sarvatō jaya maṃgalam ||
vidyāmudrākṣamālā'mṛtakalaśakarā
kōṭisūryaprakāśā
jāyā padmōdbhavasya praṇatajanatatēḥ
sarvamiṣṭaṃ diśaṃtī |
iṃdrōpēṃdrādivaṃdyā tribhuvanajananī
vāksavitrī śaraṇyā
sēyaṃ śrīśāradāṃbā sakalasukhakarī
maṃgalāni pradadyāt ||
ōmiti pratipādyāya
brahmaṇē gurumūrtayē |
śaṃkarāchāryarūpāya
paramēśāya maṃgalam ||
brahmasūtrōpaniṣadāṃ
bhāṣyakartē'khilātmanē |
sarvajñāya śivāyāstu
maṃgalaṃ maṃgalātmanē ||
maṃgalaṃ maskarīṃdrāya
mahanīya guṇātmanē |
śāradāpīṭhasarvasva
sārvabhaumāya maṃgalam ||
śrīrāmachaṃdraḥ śritapārijātaḥ
samasta kalyāṇa guṇābhirāmaḥ ;
sītāmukhāṃbhōruha chaṃcharīkaḥ
niraṃtaraṃ maṃgalamātanōtu .
ananyāśchiṃtayaṃtō māṃ
yē janāḥ paryupāsatē |
tēṣāṃ nityābhiyuktānāṃ
yōgakṣēmaṃ vahāmyaham ||
sarvadā sarvakāryēṣu
nāsti tēṣāmamaṃgalam |
yēṣāṃ hṛdisthō bhagavān
maṃgalāyatanaṃ hariḥ ||
lābhastēṣāṃ jayastēṣāṃ
kutastēṣāṃ parābhavaḥ |
yēṣāmiṃdīvaraśyāmō
hṛdayasthō janārdanaḥ ||
rājādhirājavēṣāya
rājat-kōdaṃḍabāhavē |
rājīvachārunētrāya
rāmabhadrāya maṃgalam ||
prahlādastutisaṃtuṣṭaprasannanijamūrtayē |
varadābhayahastāya
varadāya cha maṃgalam ||
ullaṃghya siṃdhōḥ salilaṃ salīlaṃ
yaḥ śōkavahniṃ janakātmajāyāḥ |
ādāya tēnaiva dadāha laṃkāṃ
namāmi taṃ prāṃjalirāṃjanēyam ||
kāṃchanādrinibhāṃgāya
vāṃchhitārthapradāyinē |
aṃjanābhāgyarūpāya
āṃjanēyāya maṃgalam ||
kāyēna vāchā manasēṃdriyairvā
buddhyātmanā vā prakṛtēḥ svabhāvāt |
karōmi yadyat sakalaṃ parasmai
nārāyaṇāyēti samarpayāmi ||
karacharaṇakṛtaṃ vākkāyajaṃ karmajaṃ vā
śravaṇanayanajaṃ vā
mānasaṃ vāparādham |
viditamaviditaṃ vā
sarvamētatkṣamasva
jaya jaya karuṇābdhē
śrīmahādēva śaṃbhō ||
sarvēṣu dēśēṣu yathēṣṭavṛṣṭiḥ
saṃpūrṇasasyā cha mahī chakāstu ;
sarvē janāssaṃtu sukhēna yuktāḥ
svasvēṣu dharmēṣu ratāścha nityam .
śāradē pāhi māṃ
śaṃkara rakṣamām |
śāradē pāhi māṃ
śaṃkara rakṣamām ||