ātāṃ viśvātmakē dēvē,
yēṇē vāgyajñē tōṣāvē,
tōṣōni maja dyāvē,
pasāyadāna hē ||
jē khaḷāṃchi vyaṃkaṭī sāṃḍō,
tayā satkarmī ratī vāḍhō,
bhūtāṃ parasparē jaḍō,
maitra jīvāṃchē ||
duritāṃchē timira jāvō,
viśva svadharma sūryē pāhō,
jō jē vāṃchhīla tō
tē lāhō, prāṇijāta ||
varṣata sakaḷa maṃḍaḷī,
īśvaraniṣṭhāṃchī māṃdiyāḷī,
anavarata bhūmaṃḍaḷī,
bhēṭatu bhūtā ||
chalā kalpatarūṃchē ārava,
chētanāchiṃtāmaṇīṃchē gāva,
bōlatī jē arṇava,
pīyūṣāṃchē ||
chaṃdramēṃjē alāṃchhana,
mārtaṃḍa jē tāpahīna,
tē sarvāhī sadā sajjana,
sōyarē hōtu ||
kiṃbahunā sarva sukhī,
pūrṇa hōvōni
tihīṃ lōkī,
bhajijō ādipuruṣīṃ,
akhaṃḍita ||
āṇi graṃthōpajivīyē,
viśēṣī lōkī iyē,
dṛṣṭādṛṣṭavijayē,
hōāvējī ||
yētha mhaṇē śrī viśvēśvarāvō,
hā hōīla dānapasāvō,
yēṇē varē jñānadēvō,
sukhiyā jhālā ||