lakṣmīnarasiṃha bhagavāna kī jai | prahlādavaradanige jai
tvatprabhujīvapriyamichchhasi
chēnnaraharipūjāṃ kuru satataṃ
pratibiṃbālaṃkṛtidhṛtikuśalō
biṃbālaṃkṛtimātanutē ;
chētōbhṛṃga bhramasi vṛthā
bhavamarubhūmau virasāyāṃ
bhaja bhaja lakṣmīnarasiṃhānaghapadasarasijamakaraṃdam .
śuktau rajataṃ pratibhājātaṃ
kaṭakādyarthasamarthaṃ chē-
dduḥkhamayī tē saṃsṛtirēṣā
nirvṛtidānē nipuṇā syāt ;
chētōbhṛṃga bhramasi vṛthā
bhavamarubhūmau virasāyāṃ
bhaja bhaja lakṣmīnarasiṃhānaghapadasarasijamakaraṃdaṃ .
ākṛtisāmyāchchhālmalikusumē
sthalanalinatvabhramamakarōḥ
gaṃdharasāviha kimu vidyētē viphalaṃ
bhrāmyasi bhṛśavirasēsmin ;
chētōbhṛṃga bhramasi vṛthā
bhavamarubhūmau virasāyāṃ
bhaja bhaja lakṣmīnarasiṃhānaghapadasarasijamakaraṃdaṃ .
srakchaṃdanavanitādīnviṣayānsukhadānmatvā tatra viharasē
gaṃdhaphalīsadṛśā nanu tēmī
bhōgānaṃtaraduḥkhakṛtaḥ syuḥ ;
chētōbhṛṃga bhramasi vṛthā
bhavamarubhūmau virasāyāṃ
bhaja bhaja lakṣmīnarasiṃhānaghapadasarasijamakaraṃdaṃ .
tava hitamēkaṃ vachanaṃ vakṣyē śṛṇu
sukhakāmō yadi satataṃ
svapnē dṛṣṭaṃ sakalaṃ hi mṛṣā
jāgrati cha smara tadvaditi ;
chētōbhṛṃga bhramasi vṛthā
bhavamarubhūmau virasāyāṃ
bhaja bhaja lakṣmīnarasiṃhānaghapadasarasijamakaraṃdaṃ .
lakṣmīnarasiṃha bhagavāna kī jai | prahlādavaradanige jai