ಜಗದ್ಗುರು ಶಂಕರಾಚಾರ್ಯ ಗುರು ಮಹಾರಾಜ ಕೀ ಜೈ |
ರಾಜಾಧೀರಾಜಪದವೀಂ
ಸದ್ಯಃ ಪ್ರಾಪ್ನೋತಿ ದೀನಧೌರೇಯಃ |
ಯಸ್ಯಾಪಾಂಗಾಲೋಕಾತ್ ತಮಹಂ
ಪ್ರಣಮಾಮಿ ಶಂಕರಾಚಾರ್ಯಮ್ ||
ರಾಗಃ : ಹಂಸನಂದಿ
ತಾಲಃ : ರೂಪಕ
ಶಂಕರದೇಶಿಕ ಮಾಮವ ಕಿಂಕರಮತಿದೀನಮ್ |
ಭಂಗುರವಿಷಯಾಸಕ್ತಂ ಭವಭೀತಿಗ್ರಸ್ತಮ್ ||
ಪೂರ್ಣಾತೀರಸಮುದ್ಭವ ಚೂರ್ಣಿತದುರಿತೌಘ |
ಕಾಷಾಯಾಂಬರಭೂಷಿತ ಕರಧೃತಚಿನ್ಮುದ್ರ ||
ವೇದಾಂತಾಂಬುಧಿಸೋಮ ವಿದ್ರಾವಿತಕಾಮ |
ನಿಗೃಹೀತಾಖಿಲಕರಣ ನಿಖಿಲಾಸ್ತಿಕಶರಣ ||
ಶೃಂಗಾಚಲಕೃತವಾಸ ಶ್ರಿತಶಶಿಮೌಲೀಶ |
ಪಾಲಿತಭಕ್ತವ್ರಾತ ಭಾರತೀತೀರ್ಥನುತ ||
ಲೋಕಗುರೋ ಮಾಂ ಪಾಹಿ
ಗುರೋ ಶಂಕರದೇಶಿಕ ಜಗದ್ಗುರೋ
ಜಗದ್ಗುರು ಶಂಕರಾಚಾರ್ಯ ಗುರು ಮಹಾರಾಜ ಕೀ ಜೈ |