ಗುರುದೇವತಾ ಭಜನಮಂಜರೀ

ಜಯ ಗಂಗಾಧರ ಹರ |
ಜಯ ಗಿರಿಜಾಧೀಶ,
ಶಿವ ಜಯ ಗೌರೀನಾಥ |
ತ್ವಂ ಮಾಂ ಪಾಲಯ ನಿತ್ಯಂ,
ತ್ವಂ ಮಾಂ ಪಾಲಯ ಶಂಭೋ,
ಕೃಪಯಾ ಜಗದೀಶ |
ಜಯ ಹರ ಹರ ಹರ ಮಹಾದೇವ ||

ಕೈಲಾಸೇ ಗಿರಿಶಿಖರೇ ಕಲ್ಪದ್ರುಮವಿಪಿನೇ,
ಶಿವ ಕಲ್ಪದ್ರುಮವಿಪಿನೇ,
ಗುಂಜತಿ ಮಧುಕರ ಪುಂಜೇ (2),
ಕುಂಜವನೇ ಗಹನೇ |
ಕೋಕಿಲ ಕೂಜತಿ ಖೇಲತಿ ಹಂಸಾವಲಿಲಲಿತಾ,
ಶಿವ ಹಂಸಾವಲಿಲಲಿತಾ |
ರಚಯತಿ ಕಲಾಕಲಾಪಂ (2),
ನೃತ್ಯತಿ ಮುದಸಹಿತಾ,
ಜಯ ಹರ ಹರ ಹರ ಮಹಾದೇವ ||

ತಸ್ಮಿಂಲ್ಲಲಿತಸುದೇಶೇ ಶಾಲಾಮಣಿರಚಿತಾ,
ಶಿವ ಶಾಲಾಮಣಿರಚಿತಾ |
ತನ್ಮಧ್ಯೇ ಹರನಿಕಟೇ ತನ್ಮಧ್ಯೇ ಶಿವನಿಕಟೇ,
ಗೌರೀಮುದಸಹಿತಾ |
ಕ್ರೀಡಾಂ ರಚಯತಿ ಭೂಷಾಂ ರಂಜಿತನಿಜಮೀಶಂ,
ಶಿವ ರಂಜಿತನಿಜಮೀಶಂ|
ಇಂದ್ರಾದಿಕ ಸುರಸೇವಿತ,
ಬ್ರಹ್ಮಾದಿಕ ಸುರಸೇವಿತ
ಪ್ರಣಮತಿ ತೇ ಶೀರ್ಷಮ್,
ಜಯ ಹರ ಹರ ಹರ ಮಹಾದೇವ ||

ವಿಬುಧವಧೂರ್ಬಹು ನೃತ್ಯತಿ
ಹೃದಯೇ ಮುದಸಹಿತಾ,
ಶಿವ ಹೃದಯೇ ಮುದಸಹಿತಾ |
ಕಿನ್ನರಗಾಯನ ಕುರುತೇ (2),
ಸಪ್ತಸ್ವರಸಹಿತಾ |
ಧಿನಕತ ಥೈ ಥೈ ಧಿನಕತ
ಮೃದಂಗ ವಾದಯತೇ,
ಶಿವ ಮೃದಂಗ ವಾದಯತೇ |
ಕ್ವಣ ಕ್ವಣ ಲಲಿತಾ ವೇಣುಃ (2),
ಮಧುರಂ ನಾದಯತೇ,
ಜಯ ಹರ ಹರ ಹರ ಮಹಾದೇವ ||

ರುಣ ರುಣ ಚರಣೇ ರಚಯತಿ
ನೂಪುರಮುಜ್ವಲಿತಂ,
ಶಿವ ನೂಪುರಮುಜ್ವಲಿತಂ |
ಚಕ್ರಾವರ್ತೇ ಭ್ರಮಯತಿ (2),
ಕುರುತೇ ತಾಂ ಧಿಕ ತಾಂ |
ತಾಂ ತಾಂ ಲುಪಚುಪ ತಾಂ ತಾಂ
ತಾಲಂ ನಾದಯತೇ,
ಶಿವ ತಾಲಂ ನಾದಯತೇ |
ಅಂಗುಷ್ಠಾಂಗುಲಿನಾದಂ (2),
ಲಾಸ್ಯಕತಾಂ ಕುರುತೇ,
ಜಯ ಹರ ಹರ ಹರ ಮಹಾದೇವ ||

ಕರ್ಪೂರದ್ಯುತಿಗೌರಂ ಪಂಚಾನನಸಹಿತಂ,
ಶಿವ ಪಂಚಾನನಸಹಿತಮ್ |
ತ್ರಿನಯನಶಶಿಧರಮೌಲಿಂ (2),
ವಿಷಧರಂಕಂಠಯುತಮ್ |
ಸುಂದರಜಟಾಕಲಾಪಂ
ಪಾವಕಯುತಭಾಲಂ
ಶಿವ ಪಾವಕಯುತಭಾಲಮ್ |
ಡಮರುತ್ರಿಶೂಲಪಿನಾಕಂ (2),
ಕರಧೃತನೃಕಪಾಲಂ,
ಜಯ ಹರ ಹರ ಹರ ಮಹಾದೇವ ||

ಶಂಖನಿನಾದಂ ಕೃತ್ವಾ
ಝಲ್ಲರಿ ನಾದಯತೇ,
ಶಿವ ಝಲ್ಲರಿ ನಾದಯತೇ |
ನೀರಾಜಯತೇ ಬ್ರಹ್ಮಾ,
ನೀರಾಜಯತೇ ವಿಷ್ಣುರ್ವೇದಋಚಾಂ ಪಠತೇ |
ಇತಿ ಮೃದುಚರಣಸರೋಜಂ
ಹೃತ್ಕಮಲೇ ಧೃತ್ವಾ,
ಶಿವ ಹೃತ್ಕಮಲೇ ಧೃತ್ವಾ |
ಅವಲೋಕಯತಿ ಮಹೇಶಂ,
ಅವಲೋಕಯತಿ ಸುರೇಶಂ,
ಈಶಂ ಹ್ಯಭಿನತ್ವಾ |
ಜಯ ಹರ ಹರ ಹರ ಮಹಾದೇವ ||

ರುಂಡೈ ರಚಯತಿ ಮಾಲಾಂ
ಪನ್ನಗಮುಪವೀತಂ,
ಶಿವ ಪನ್ನಗಮುಪವೀತಮ್ |
ವಾಮವಿಭಾಗೇ ಗಿರಿಜಾ,
ವಾಮವಿಭಾಗೇ ಗೌರೀ ರೂಪಂ ಹ್ಯತಿಲಲಿತಮ್ |
ಸುಂದರಸಕಲಶರೀರೇ
ಕೃತಭಸ್ಮಾಭರಣಂ,
ಶಿವಕೃತಭಸ್ಮಾಭರಣಂ |
ಇತಿ ವೃಷಭಧ್ವಜರುಪಂ,
ಹರಶಿವಶಂಕರರುಪಂ,
ತಾಪತ್ರಯಹರಣಂ,
ಜಯ ಹರ ಹರ ಹರ ಮಹಾದೇವ ||

ಧ್ಯಾನಂ ಆರತಿ ಸಮಯೇ
ಹೃದಯೇ ಇತಿ ಕೃತ್ವಾ,
ಶಿವ ಹೃದಯೇ ಇತಿ ಕೃತ್ವಾ |
ರಾಮಂ ತ್ರಿಜಟಾನಾಥಂ (2),
ಈಶಂ ಹ್ಯಭಿನತ್ವಾ |
ಸಂಗೀತಮೇವಂ ಪ್ರತಿದಿನ­ಪಠನಂ ಯಃ ಕುರುತೇ,
ಶಿವ ಪಠನಂ ಯಃ ಕುರುತೇ |
ಶಿವಸಾಯುಜ್ಯಂ ಗಚ್ಛತಿ
ಹರಸಾಯುಜ್ಯಂ ಗಚ್ಛತಿ,
ಭಕ್ತ್ಯಾ ಯಃ ಶ್ರುಣುತೇ |
ಜಯ ಹರ ಹರ ಹರ ಮಹಾದೇವ ||

ಶಿವ ಜಯ ಗಂಗಾಧರ ಹರ,
ಶಿವ ಜಯ ಗಿರಿಜಾಧೀಶ,
ಶಿವ ಜಯ ಗೌರೀನಾಥ |
ತ್ವಂ ಮಾಂ ಪಾಲಯ ನಿತ್ಯಂ,
ತ್ವಂ ಮಾಂ ಪಾಲಯ ಶಂಭೋ,
ಕೃಪಯಾ ಜಗದೀಶ |
ಜಯ ಹರ ಹರ ಹರ ಮಹಾದೇವ ||

ಕರ್ಪೂರಗೌರಂ ಕರುಣಾವತಾರಂ
ಸಂಸಾರಸಾರಂ ಭುಜಗೇಂದ್ರಹಾರಮ್ |
ಸದಾವಸಂತಂ ಹೃದಯಾರವಿಂದೇ
ಭವಂ ಭವಾನಿ ಸಹಿತಂ ನಮಾಮಿ ||