ಜಯ ಭಗವನ್ ಜಯಶಂಕರ
ವಿದ್ಯಾಕಲ್ಪತರೋ |
ನಿರ್ಮಥಿತಶ್ರುತಿಸಾಗರ
ಜಯ ಜಯ ಭುವನಗುರೋ ||
ಜಯ ದೇವ ಜಯ ದೇವ
ಧರ್ಮಸ್ಥಾಪನಹೇತೋರ್ಲೀಲಾತನುಧಾರಿನ್ |
ಲೋಕಾನುಗ್ರಹಹೇತೋರ್ಬ್ರಹ್ಮಣಿ ಸಂನ್ಯಾಸಿನ್ |
ಕಲ್ಯುದ್ಭವನಾನಾವಿಧಪಾಖಂಡಧ್ವಂಸಿನ್ |
ಅದ್ವೈತಾಮೃತವೃಷ್ಟ್ಯಾ
ಜಡಜೀವೋದ್ಧಾರಿನ್ ||
ಶ್ರುತಿಶಿರಸಸ್ತತ್ತ್ವಾನಾಮೇಕಸ್ತ್ವಂ ವೇತ್ತಾ |
ಪರಪಕ್ಷಾಣಾಂ ಪವಿರಿವ
ವಿದಿತಸ್ತ್ವಂ ಭೇತ್ತಾ |
ಸಂಶೀತೇರ್ಯುಕ್ತಿಬಲಾದೇಕಸಸ್ತ್ವಂ ಛೇತ್ತಾ |
ತ್ವದ್ಭಾಷ್ಯಾಮೃತಪುಷ್ಟಃ
ಕೋ ನು ಜನಃ ಖೇತ್ತಾ ||
ಶಾರದಯಾಪಿ ನುತಂ ತ್ವಾಂ
ಸ್ತೋತುಮಲಂ ಕೋಽಹಮ್ |
ಮರ್ಷಯ ಮೇ ತ್ವಸಮಂಜಸಮಕ್ಷರಸಂದೋಹಮ್ |
ಸ್ಪರ್ಶಮಣೇ ಸ್ವರ್ಣೀಕುರು ಮಾಂ
ಮಲಿನಂ ಲೋಹಮ್ |
ಸ್ಥಿತ್ತ್ವಾ ಮೇ ಹೃದ್ಯನಿಶಂ
ವಾರಯ ಮಮ ಮೋಹಮ್ ||
ತ್ವಚ್ಚರಿತಾನುಧ್ಯಾನಾದಾಚಾರೇ ಶುದ್ಧಿಮ್ |
ತ್ವದ್ಭಾಷ್ಯಶ್ರವಣಾದಪ್ಯನಘಾಮಿಹ ಬುದ್ಧಿಮ್ |
ವಿಂದೇಮ ತ್ವನ್ಮಾರ್ಗಾಶ್ರಯಣಾತ್ ಪುಣ್ಯರ್ದ್ಧಿಮ್ |
ದೇಹಿ ಗುರೋ ಕರುಣಾಘನ
ನಿಃಶ್ರೇಯಸಸಿದ್ಧಿಮ್ ||೪||