ಲಕ್ಷ್ಮೀನರಸಿಂಹ ಭಗವಾನ ಕೀ ಜೈ | ಪ್ರಹ್ಲಾದವರದನಿಗೆ ಜೈ
ತ್ವತ್ಪ್ರಭುಜೀವಪ್ರಿಯಮಿಚ್ಛಸಿ
ಚೇನ್ನರಹರಿಪೂಜಾಂ ಕುರು ಸತತಂ
ಪ್ರತಿಬಿಂಬಾಲಂಕೃತಿಧೃತಿಕುಶಲೋ
ಬಿಂಬಾಲಂಕೃತಿಮಾತನುತೇ ।
ಚೇತೋಭೃಂಗ ಭ್ರಮಸಿ ವೃಥಾ
ಭವಮರುಭೂಮೌ ವಿರಸಾಯಾಂ
ಭಜ ಭಜ ಲಕ್ಷ್ಮೀನರಸಿಂಹಾನಘಪದಸರಸಿಜಮಕರಂದಮ್ ॥
ಶುಕ್ತೌ ರಜತಂ ಪ್ರತಿಭಾಜಾತಂ
ಕಟಕಾದ್ಯರ್ಥಸಮರ್ಥಂ ಚೇ-
ದ್ದುಃಖಮಯೀ ತೇ ಸಂಸೃತಿರೇಷಾ
ನಿರ್ವೃತಿದಾನೇ ನಿಪುಣಾ ಸ್ಯಾತ್ ।
ಚೇತೋಭೃಂಗ ಭ್ರಮಸಿ ವೃಥಾ
ಭವಮರುಭೂಮೌ ವಿರಸಾಯಾಂ
ಭಜ ಭಜ ಲಕ್ಷ್ಮೀನರಸಿಂಹಾನಘಪದಸರಸಿಜಮಕರಂದಂ ॥
ಆಕೃತಿಸಾಮ್ಯಾಚ್ಛಾಲ್ಮಲಿಕುಸುಮೇ
ಸ್ಥಲನಲಿನತ್ವಭ್ರಮಮಕರೋಃ
ಗಂಧರಸಾವಿಹ ಕಿಮು ವಿದ್ಯೇತೇ ವಿಫಲಂ
ಭ್ರಾಮ್ಯಸಿ ಭೃಶವಿರಸೇಸ್ಮಿನ್ ।
ಚೇತೋಭೃಂಗ ಭ್ರಮಸಿ ವೃಥಾ
ಭವಮರುಭೂಮೌ ವಿರಸಾಯಾಂ
ಭಜ ಭಜ ಲಕ್ಷ್ಮೀನರಸಿಂಹಾನಘಪದಸರಸಿಜಮಕರಂದಂ ॥
ಸ್ರಕ್ಚಂದನವನಿತಾದೀನ್ವಿಷಯಾನ್ಸುಖದಾನ್ಮತ್ವಾ ತತ್ರ ವಿಹರಸೇ
ಗಂಧಫಲೀಸದೃಶಾ ನನು ತೇಮೀ
ಭೋಗಾನಂತರದುಃಖಕೃತಃ ಸ್ಯುಃ ।
ಚೇತೋಭೃಂಗ ಭ್ರಮಸಿ ವೃಥಾ
ಭವಮರುಭೂಮೌ ವಿರಸಾಯಾಂ
ಭಜ ಭಜ ಲಕ್ಷ್ಮೀನರಸಿಂಹಾನಘಪದಸರಸಿಜಮಕರಂದಂ ॥
ತವ ಹಿತಮೇಕಂ ವಚನಂ ವಕ್ಷ್ಯೇ ಶೃಣು
ಸುಖಕಾಮೋ ಯದಿ ಸತತಂ
ಸ್ವಪ್ನೇ ದೃಷ್ಟಂ ಸಕಲಂ ಹಿ ಮೃಷಾ
ಜಾಗ್ರತಿ ಚ ಸ್ಮರ ತದ್ವದಿತಿ ।
ಚೇತೋಭೃಂಗ ಭ್ರಮಸಿ ವೃಥಾ
ಭವಮರುಭೂಮೌ ವಿರಸಾಯಾಂ
ಭಜ ಭಜ ಲಕ್ಷ್ಮೀನರಸಿಂಹಾನಘಪದಸರಸಿಜಮಕರಂದಂ ॥
ಲಕ್ಷ್ಮೀನರಸಿಂಹ ಭಗವಾನ ಕೀ ಜೈ | ಪ್ರಹ್ಲಾದವರದನಿಗೆ ಜೈ