ಸಪ್ತಗಿರಿ ಒಡೆಯ ವೆಂಕಟರಮಣ ಗೋವಿಂದ ಗೋವಿಂದ
ಶ್ರೀಶೇಷಶೈಲ ಸುನಿಕೇತನ ದಿವ್ಯಮೂರ್ತೇ
ನಾರಾಯಣಾಚ್ಯುತ ಹರೇ ನಳಿನಾಯತಾಕ್ಷ |
ಲೀಲಾಕಟಾಕ್ಷ ಪರಿರಕ್ಷಿತ ಸರ್ವಲೋಕ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ಬ್ರಹ್ಮಾದಿ ವಂದಿತ ಪದಾಂಬುಜ ಶಂಖಪಾಣೇ
ಶ್ರೀಮತ್ ಸುದರ್ಶನ ಸುಶೋಭಿತ ದಿವ್ಯಹಸ್ತ |
ಕಾರುಣ್ಯ ಸಾಗರ ಶರಣ್ಯ ಸುಪುಣ್ಯಮೂರ್ತೇ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ವೇದಾಂತ ವೇದ್ಯ ಭವಸಾಗರ ಕರ್ಣಧಾರ
ಶ್ರೀಪದ್ಮನಾಭ ಕಮಲಾರ್ಚಿತ ಪಾದಪದ್ಮ |
ಲೋಕೈಕಪಾವನ ಪರಾತ್ಪರ ಪಾಪಹಾರಿನ್
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ಲಕ್ಷ್ಮೀಪತೇ ನಿಗಮಲಕ್ಷ್ಯ ನಿಜಸ್ವರೂಪ
ಕಾಮಾದಿದೋಷ-ಪರಿಹಾರಕ ಬೋಧದಾಯಿನ್ |
ದೈತ್ಯಾದಿಮರ್ದನ ಜನಾರ್ದನ ವಾಸುದೇವ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ತಾಪತ್ರಯಂ ಹರ ವಿಭೋ ರಭಸಾ ಮುರಾರೇ
ಸಂರಕ್ಷ ಮಾಂ ಕರುಣಯಾ ಸರಸೀರುಹಾಕ್ಷ |
ಮಚ್ಛಿಷ್ಯಮಿತ್ಯನುದಿನಂ ಪರಿರಕ್ಷ ವಿಷ್ಣೋ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ಶ್ರೀಜಾತರೂಪ ನವರತ್ನಲಸತ್ಕಿರೀಟ
ಕಸ್ತೂರಿಕಾ-ತಿಲಕ-ಶೋಭಿ-ಲಲಾಟ-ದೇಶ |
ರಾಕೇಂದುಬಿಂಬ ವದನಾಂಬುಜ ವಾರಿಜಾಕ್ಷ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ವಂದಾರುಲೋಕ ವರದಾನವಚೋವಿಲಾಸ
ರತ್ನಾಢ್ಯಹಾರ ಪರಿಶೋಭಿತ-ಕಂಬುಕಂಠ |
ಕೇಯೂರ-ರತ್ನ-ಸುವಿಭಾಸಿ-ದಿಗಂತರಾಲ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ದಿವ್ಯಾಂಗದಾಂಕಿತ ಭುಜದ್ವಯ ಮಂಗಲಾತ್ಮನ್
ಕೇಯೂರಭೂಷಣ ಸುಶೋಭಿತ ದೀರ್ಘಬಾಹೋ |
ನಾಗೇಂದ್ರ-ಕಂಕಣ-ಕರದ್ವಯ ಕಾಮದಾಯಿನ್
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ಸ್ವಾಮಿನ್ ಜಗದ್ಧರಣ ವಾರಿಧಿ ಮಧ್ಯಮಗ್ನಂ
ಮಾಮುದ್ಧರಾರ್ಯ ಕೃಪಯಾ ಕರುಣಾಪಯೋಧೇ |
ಲಕ್ಷ್ಮೀಂಶ್ಚ ದೇಹಿ ಮಮ ಧರ್ಮ ಸಮೃದ್ಧಿ ಹೇತುಂ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ದಿವ್ಯಾಂಗ ರಾಗ ಪರಿಚರ್ಚಿತ ಕೋಮಲಾಂಗ
ಪೀತಾಂಬರಾವೃತ-ತನೋ ತರುಣಾರ್ಕ-ಭಾಸ |
ಸತ್ಕಾಂಚನಾಭ ಪರಿಧಾನಸುಪಟ್ಟಬಂಧ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ರತ್ನಾಢ್ಯಧಾಮ ಸುನಿಬದ್ಧ-ಕಟಿಪ್ರದೇಶ
ಮಾಣಿಕ್ಯ ದರ್ಪಣ ಸುಸನ್ನಿಭಜಾನುದೇಶ |
ಜಂಘಾದ್ವಯೇನ ಪರಿಮೋಹಿತ ಸರ್ವಲೋಕ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ಲೋಕೈಕಪಾವನ ಸರಿತ್ಪರಿಶೋಭಿತಾಂಘ್ರೇ
ತ್ವತ್ಪಾದದರ್ಶನದಿನೇ ಚ ಮಮಾಘಮೇಷ |
ಹಾರ್ದಂ ತಮಶ್ಚ ಸಕಲಂ ಲಯಮಾಪ ಭೂಮನ್
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ಕಾಮಾದಿವೈರಿ ನಿವಹೋಚ್ಯುತ ಮೇ ಪ್ರಯಾತಃ
ದಾರಿದ್ರ್ಯಮಪ್ಯಪತತಂ ಸಕಲಂ ದಯಾಲೋ |
ದೀನಂ ಚ ಮಾಂ ಸಮವಲೋಕ್ಯ ದಯಾರ್ದ್ರ ದೃಷ್ಟ್ಯಾ
ಶ್ರೀ ವೇಂಕಟೇಶ ಮಮ ದೇಹಿ
ಕರಾವಲಂಬಮ್ ||
ಶ್ರೀ ವೇಂಕಟೇಶ ಪದಪಂಕಜ ಷಟ್ಪದೇನ
ಶ್ರೀಮನ್ ನೃಸಿಂಹ ಯತಿನಾ ರಚಿತಂ ಜಗತ್ಯಾಮ್ |
ಯೇ ತತ್ ಪಠಂತಿ ಮನುಜಾಃ ಪುರುಷೋತ್ತಮಸ್ಯ
ತೇ ಪ್ರಾಪ್ನುವಂತಿ ಪರಮಾಂ ಪದವೀಂ ಮುರಾರೇಃ ||
ಸಪ್ತಗಿರಿ ಒಡೆಯ ವೆಂಕಟರಮಣ ಗೋವಿಂದ ಗೋವಿಂದ