भवानी माता की जय
शिवः शक्त्या युक्तो यदि भवति
शक्तः प्रभवितुं
न चेदेवं देवो न खलु
कुशलः स्पंदितुमपि |
अतस्त्वामाराध्यां हरिहरविरिंचादिभिरपि
प्रणंतुं स्तोतुं वा कथमकृतपुण्यः प्रभवति ||
रागः : नागगांधारी
तालः : रूपक
सरसिजनाजनाभसोदरि
शंकरि पाहिमाम् |
वरदाभयकरकमले
शरणागत वत्सले ||
परंधाम प्रकीर्तिते
पशुपाशविमोचिके
पन्नगाभरणयुते नागगांधारी पूजिताब्जपदे
सदा नंदिते संपदे
वरगुरुगुह जननि मदशमनि
महिषासुर मर्दिनि मंदगमनि
मंगळ वर प्रदायिनि
अंब परमेश्वरि अखिलांडेश्वरि
आदि पराशक्ति पालय माम्
श्री भुवनेश्वरि राजराजेश्वरि
आनंदरूपिणि पालय माम् ||
भवानी माता की जय