హర నమః పార్వతీ పతయే హర హర మహాదేవ |
శంభో మహాదేవ దేవ
శివ శంభో మహాదేవ
దేవేశ శంభో
శంభో మహాదేవ దేవ ||
ఫాలావనమ్రత్కిరీటం
ఫాలనేత్రార్చిషా దగ్ధపంచేషుకీటమ్ |
శూలాహతారాతికూటం
శుద్ధమర్ధేందుచూడం
భజే మార్గబంధుమ్ |
శంభొ మహాదేవ దేవ ||
అంగె విరాజద్భుజంగం
అభ్రగంగాతరంగాభిరామోత్తమాంగమ్ |
శృంగారవాటీకురంగం
సిద్ధ సంసేవితాంఘ్రిం
భజే మార్గబంధుమ్ |
శంభొ మహాదేవ దేవ ||
నిత్యం చిదానందరూపం
నిహ్నుతాశేషలోకేశవైరిప్రతాపమ్ |
కార్తస్వరాగేంద్రచాపం
కృత్తివాసం భజే దివ్యసన్మార్గబంధుమ్ |
శంభొ మహాదేవ దేవ ||
కందర్పదర్పఘ్నమీశం
కాలకంఠం మహేశం
మహావ్యోమకేశమ్ |
కుందాభదంతం సురేశం
కోటిసూర్యప్రకాశం
భజే మార్గబంధుమ్ ||
శంభొ మహాదేవ దేవ ||
మందారభూతేరుదారం
మందరాగేంద్రసారం
మహాగౌర్యదూరమ్ |
సిందూరదూరప్రచారం
సింధురాజాతిధీరం
భజే మార్గబంధుమ్ |
శంభొ మహాదేవ దేవ ||
అప్పయ్యయజ్వేంద్ర గీతం
స్తోత్రరాజం పఠేద్యస్తు
భక్త్యా ప్రయాణే |
తస్యార్థసిద్ధిం విధత్తె
మార్గమధ్యేఽభయం చాశుతోషో మహేశః |
శంభో మహాదేవ దేవ శివ
శంభో మహాదేవ దేవేశ శంభో
శంభో మహాదేవ దేవ ||
హర నమః పార్వతీ పతయే హర హర మహాదేవ |