జగద్గురు శంకరాచార్య గురు మహారాజ కీ జై |
విదితాఖిలశాస్త్రసుధాజలధే
మహితోపనిషత్కథితార్థనిధే |
హృదయే కలయే విమలం చరణమ్
భవ శంకరదేశిక మే శరణమ్ ||
కరుణావరుణాలయ పాలయ మామ్
భవసాగరదుఃఖవిదూనహృదమ్ |
రచయాఖిలదర్శనతత్త్వవిదమ్
భవ శంకరదేశిక మే శరణమ్ ||
భవతా జనతా సుహితా భవితా
నిజబోధ విచారణ చారుమతే |
కలయేశ్వరజీవవివేకవిదమ్
భవ శంకరదేశిక మే శరణమ్ ||
భవ ఏవ భవానితి మే నితరామ్
సమజాయత చేతసి కౌతుకితా |
మమ వారయ మోహ మహాజలధిమ్
భవ శంకరదేశిక మే శరణమ్ ||
సుకృతేఽధికృతే బహుధా భవతో
భవితా పదదర్శన లాలసతా |
అతిదీనమిమం పరిపాలయ మామ్
భవ శంకరదేశిక మే శరణమ్ ||
జగతీమవితుం కలితాకృతయో
విచరంతి మహామహసశ్ఫలతః |
అహిమాంశురివాత్ర విభాసి గురో
భవ శంకరదేశిక మే శరణమ్ ||
గురుపుంగవ పుంగవ కేతన తే
సమతామయతాం న హి కోపి సుధీః |
శరణాగతవత్సల తత్త్వనిధే
భవ శంకరదేశిక మే శరణమ్ ||
విదితా న మయా విశదైకకలా
న చ కించన కాంచనమస్తి గురో |
ధృతమేవ విధేహి కృపాం సహజామ్
భవ శంకరదేశిక మే శరణమ్ ||
జగద్గురు శంకరాచార్య గురు మహారాజ కీ జై |