జగద్గురు శంకరాచార్య గురు మహారాజ కీ జై |
అవతీర్ణశ్చ కాలట్యాం
కేదారేంతర్హితశ్చ యః |
చతుష్పీఠప్రతిష్ఠాతా
జయతాచ్ఛంకరో గురుః ||
శ్రీశంకరాచార్యవర్యం
సర్వలోకైకవంద్యం భజే దేశికేంద్రమ్ |
ధర్మప్రచారేఽతిదక్షం
యోగిగోవిందపాదాప్తసంన్యాసదీక్షమ్ |
దుర్వాదిగర్వాపనోదం
పద్మపాదాదిశిష్యాలిసంసేవ్యపాదమ్ ||
శంకాద్రిదంభోలిలీలం
కింకరాశేషశిష్యాలి సంత్రాణశీలమ్ |
బాలార్కనీకాశచేలం
బోధితాశేషవేదాంత గూఢార్థజాలమ్ ||
రుద్రాక్షమాలావిభూషం
చంద్రమౌలీశ్వరారాధనావాప్తతోషమ్ |
విద్రావితాశేషదోషం
భద్రపూగప్రదం భక్తలోకస్య నిత్యమ్ ||
పాపాటవీచిత్రభానుం
జ్ఞానదీపేన హార్దం తమో వారయంతమ్ |
ద్వైపాయనప్రీతిభాజం
సర్వతాపాపహామోఘబోధప్రదం తమ్ ||
రాజాధిరాజాభిపూజ్యం
రమ్యశృంగాద్రివాసైకలోలం యతీడ్యమ్ |
రాకేందుసంకాశవక్త్రం రత్నగర్భేభవక్త్రాంఘ్రిపూజానురక్తమ్ ||
శ్రీభారతీతీర్థగీతం
శంకరార్యస్తవం యః పఠేద్భక్తియుక్తః |
సోఽవాప్నుయాత్సర్వమిష్టం
శంకరాచార్యవర్యప్రసాదేన తూర్ణమ్ ||
శంకరదేశిక మాం పాహి
శివగురుతనయ మాం పాహి
సజ్జనపూజిత మాం పాహి
సద్గుణశోభిత మాం పాహి
కాలట్యుద్భవ మాం పాహి
కామవివర్జిత మాం పాహి
ఆర్యాంబాసుత మాం పాహి
ఆర్తివినాశన మాం పాహి
సర్వజ్ఞగురో మాం పాహి
సర్వశివంకర మాం పాహి
జగద్గురు శంకరాచార్య గురు మహారాజ కీ జై |