గురుదేవతా భజనమంజరీ

జయ గంగాధర హర |
జయ గిరిజాధీశ,
శివ జయ గౌరీనాథ |
త్వం మాం పాలయ నిత్యం,
త్వం మాం పాలయ శంభో,
కృపయా జగదీశ |
జయ హర హర హర మహాదేవ ||

కైలాసే గిరిశిఖరే కల్పద్రుమవిపినే,
శివ కల్పద్రుమవిపినే,
గుంజతి మధుకర పుంజే (2),
కుంజవనే గహనే |
కోకిల కూజతి ఖేలతి హంసావలిలలితా,
శివ హంసావలిలలితా |
రచయతి కలాకలాపం (2),
నృత్యతి ముదసహితా,
జయ హర హర హర మహాదేవ ||

తస్మింల్లలితసుదేశే శాలామణిరచితా,
శివ శాలామణిరచితా |
తన్మధ్యే హరనికటే తన్మధ్యే శివనికటే,
గౌరీముదసహితా |
క్రీడాం రచయతి భూషాం రంజితనిజమీశం,
శివ రంజితనిజమీశం|
ఇంద్రాదిక సురసేవిత,
బ్రహ్మాదిక సురసేవిత
ప్రణమతి తే శీర్షమ్,
జయ హర హర హర మహాదేవ ||

విబుధవధూర్బహు నృత్యతి
హృదయే ముదసహితా,
శివ హృదయే ముదసహితా |
కిన్నరగాయన కురుతే (2),
సప్తస్వరసహితా |
ధినకత థై థై ధినకత
మృదంగ వాదయతే,
శివ మృదంగ వాదయతే |
క్వణ క్వణ లలితా వేణుః (2),
మధురం నాదయతే,
జయ హర హర హర మహాదేవ ||

రుణ రుణ చరణే రచయతి
నూపురముజ్వలితం,
శివ నూపురముజ్వలితం |
చక్రావర్తే భ్రమయతి (2),
కురుతే తాం ధిక తాం |
తాం తాం లుపచుప తాం తాం
తాలం నాదయతే,
శివ తాలం నాదయతే |
అంగుష్ఠాంగులినాదం (2),
లాస్యకతాం కురుతే,
జయ హర హర హర మహాదేవ ||

కర్పూరద్యుతిగౌరం పంచాననసహితం,
శివ పంచాననసహితమ్ |
త్రినయనశశిధరమౌలిం (2),
విషధరంకంఠయుతమ్ |
సుందరజటాకలాపం
పావకయుతభాలం
శివ పావకయుతభాలమ్ |
డమరుత్రిశూలపినాకం (2),
కరధృతనృకపాలం,
జయ హర హర హర మహాదేవ ||

శంఖనినాదం కృత్వా
ఝల్లరి నాదయతే,
శివ ఝల్లరి నాదయతే |
నీరాజయతే బ్రహ్మా,
నీరాజయతే విష్ణుర్వేదఋచాం పఠతే |
ఇతి మృదుచరణసరోజం
హృత్కమలే ధృత్వా,
శివ హృత్కమలే ధృత్వా |
అవలోకయతి మహేశం,
అవలోకయతి సురేశం,
ఈశం హ్యభినత్వా |
జయ హర హర హర మహాదేవ ||

రుండై రచయతి మాలాం
పన్నగముపవీతం,
శివ పన్నగముపవీతమ్ |
వామవిభాగే గిరిజా,
వామవిభాగే గౌరీ రూపం హ్యతిలలితమ్ |
సుందరసకలశరీరే
కృతభస్మాభరణం,
శివకృతభస్మాభరణం |
ఇతి వృషభధ్వజరుపం,
హరశివశంకరరుపం,
తాపత్రయహరణం,
జయ హర హర హర మహాదేవ ||

ధ్యానం ఆరతి సమయే
హృదయే ఇతి కృత్వా,
శివ హృదయే ఇతి కృత్వా |
రామం త్రిజటానాథం (2),
ఈశం హ్యభినత్వా |
సంగీతమేవం ప్రతిదిన­పఠనం యః కురుతే,
శివ పఠనం యః కురుతే |
శివసాయుజ్యం గచ్ఛతి
హరసాయుజ్యం గచ్ఛతి,
భక్త్యా యః శ్రుణుతే |
జయ హర హర హర మహాదేవ ||

శివ జయ గంగాధర హర,
శివ జయ గిరిజాధీశ,
శివ జయ గౌరీనాథ |
త్వం మాం పాలయ నిత్యం,
త్వం మాం పాలయ శంభో,
కృపయా జగదీశ |
జయ హర హర హర మహాదేవ ||

కర్పూరగౌరం కరుణావతారం
సంసారసారం భుజగేంద్రహారమ్ |
సదావసంతం హృదయారవిందే
భవం భవాని సహితం నమామి ||