గురుదేవతా భజనమంజరీ

జయ భగవన్ జయశంకర
విద్యాకల్పతరో |
నిర్మథితశ్రుతిసాగర
జయ జయ భువనగురో ||
జయ దేవ జయ దేవ

ధర్మస్థాపనహేతో­ర్లీలాతనుధారిన్ |
లోకానుగ్రహహేతో­ర్బ్రహ్మణి సంన్యాసిన్ |
కల్యుద్భవనానావిధ­పాఖండధ్వంసిన్ |
అద్వైతామృతవృష్ట్యా
జడజీవోద్ధారిన్ ||

శ్రుతిశిరసస్తత్త్వానా­మేకస్త్వం వేత్తా |
పరపక్షాణాం పవిరివ
విదితస్త్వం భేత్తా |
సంశీతేర్యుక్తిబలా­దేకసస్త్వం ఛేత్తా |
త్వద్భాష్యామృతపుష్టః
కో ను జనః ఖేత్తా ||

శారదయాపి నుతం త్వాం
స్తోతుమలం కోఽహమ్ |
మర్షయ మే త్వసమంజస­మక్షరసందోహమ్ |
స్పర్శమణే స్వర్ణీకురు మాం
మలినం లోహమ్ |
స్థిత్త్వా మే హృద్యనిశం
వారయ మమ మోహమ్ ||

త్వచ్చరితానుధ్యానా­దాచారే శుద్ధిమ్ |
త్వద్భాష్యశ్రవణాదప్యనఘా­మిహ బుద్ధిమ్ |
విందేమ త్వన్మార్గా­శ్రయణాత్ పుణ్యర్ద్ధిమ్ |
దేహి గురో కరుణాఘన
నిఃశ్రేయససిద్ధిమ్ ||౪||