gurudēvatā bhajanamaṃjarī

kīrtanam — 3

śaṃbhō mahādēva dēva
śiva śaṃbhō mahādēva
dēvēśa śaṃbhō
śaṃbhō mahādēva dēva ||

phālāvanamratkirīṭaṃ
phālanētrārchiṣā dagdha­paṃchēṣukīṭam |
śūlāhatārātikūṭaṃ
śuddhamardhēṃduchūḍaṃ
bhajē mārgabaṃdhum |
śaṃbho mahādēva dēva ||

aṃge virājadbhujaṃgaṃ
abhragaṃgātaraṃgābhi­rāmōttamāṃgam |
śṛṃgāravāṭīkuraṃgaṃ
siddha saṃsēvitāṃghriṃ
bhajē mārgabaṃdhum |
śaṃbho mahādēva dēva ||

nityaṃ chidānaṃdarūpaṃ
nihnutāśēṣalōkēśa­vairipratāpam |
kārtasvarāgēṃdrachāpaṃ
kṛttivāsaṃ bhajē divya­sanmārgabaṃdhum |
śaṃbho mahādēva dēva ||

kaṃdarpadarpaghnamīśaṃ
kālakaṃṭhaṃ mahēśaṃ
mahāvyōmakēśam |
kuṃdābhadaṃtaṃ surēśaṃ
kōṭisūryaprakāśaṃ
bhajē mārgabaṃdhum ||
śaṃbho mahādēva dēva ||

maṃdārabhūtērudāraṃ
maṃdarāgēṃdrasāraṃ
mahāgauryadūram |
siṃdūradūraprachāraṃ
siṃdhurājātidhīraṃ
bhajē mārgabaṃdhum |
śaṃbho mahādēva dēva ||

appayyayajvēṃdra gītaṃ
stōtrarājaṃ paṭhēdyastu
bhaktyā prayāṇē |
tasyārthasiddhiṃ vidhatte
mārgamadhyē'bhayaṃ chāśu­tōṣō mahēśaḥ |

śaṃbhō mahādēva dēva śiva
śaṃbhō mahādēva dēvēśa śaṃbhō
śaṃbhō mahādēva dēva ||