hariharātmaka chaitanya kī jai
māramaṇamumāramaṇaṃ
phaṇadharatalpaṃ phaṇādharākalpam ;
muramathanaṃ puramathanaṃ vaṃdē
bāṇārimasamabāṇārim .
gōnayanamilānayanaṃ
raviśaśinētraṃ ravīṃduvahnyakṣam ;
smaratanayaṃ guhatanayaṃ vaṃdē
vaikuṃṭhamuḍupatichūḍam .
kṛṣṇatanumumārdhatanuṃ
śvaśuragṛhasthaṃ sumēruśṛṃgastham ;
daśavapuṣaṃ vasuvapuṣaṃ vaṃdē
bhūjānimachalabhūjānim .
kudhradharamudagnidharaṃ
jaladhisutākāṃtamagajākāṃtam ;
garuḍasthaṃ vṛṣabhasthaṃ vaṃdē
paṃchāstramakhiladigvastram .
brahmasutamṛgādinutaṃ
gajagirivāsaṃ gajēṃdracharmāṃgam ;
suraśaraṇaṃ bhavaharaṇaṃ vaṃdē
bhūdāramakhilabhūdāram .
pārthasakhamupāstamakhaṃ
jaladharakāṃtiṃ jalaṃdharārātim ;
vidhivinutaṃ vidhuvinutaṃ vaṃdē
nīlēśamakhilabhūtēśam .
pītapaṭamaruṇajaṭaṃ
parimaladēhaṃ pavitrabhasmāṃgam ;
jalajakaraṃ ḍamarukaraṃ vaṃdē
yōgasthamakhilayōgīḍyam .
chakrakaramabhayakaraṃ maṇimayabhūṣaṃ phaṇāmaṇībhūṣam ;
dhṛtadhanuṣaṃ giridhanuṣaṃ vaṃdē
gōviṃdamanaghagōvāham .
vastāṃ piśaṃgaṃ vasanaṃ diśō vā
garutmatā yātu kakudmatā vā ;
nidrātu vā nṛtyatu vā'dhiraṃgaṃ
bhēdō na mē syātparamasya dhāmnaḥ .
mōmāramaṇastavanaṃ paṭhaṃti
bhaktyā harīśayōḥ kṛpayā |
bhuktvēha sakala bhōgānaṃtē
gachchhaṃtyanuttamaṃ dhāma ||
hariharātmaka chaitanya kī jai