ಹರ ನಮಃ ಪಾರ್ವತೀ ಪತಯೇ ಹರ ಹರ ಮಹಾದೇವ |
ಶಂಭೋ ಮಹಾದೇವ ದೇವ
ಶಿವ ಶಂಭೋ ಮಹಾದೇವ
ದೇವೇಶ ಶಂಭೋ
ಶಂಭೋ ಮಹಾದೇವ ದೇವ ||
ಫಾಲಾವನಮ್ರತ್ಕಿರೀಟಂ
ಫಾಲನೇತ್ರಾರ್ಚಿಷಾ ದಗ್ಧಪಂಚೇಷುಕೀಟಮ್ |
ಶೂಲಾಹತಾರಾತಿಕೂಟಂ
ಶುದ್ಧಮರ್ಧೇಂದುಚೂಡಂ
ಭಜೇ ಮಾರ್ಗಬಂಧುಮ್ |
ಶಂಭೊ ಮಹಾದೇವ ದೇವ ||
ಅಂಗೆ ವಿರಾಜದ್ಭುಜಂಗಂ
ಅಭ್ರಗಂಗಾತರಂಗಾಭಿರಾಮೋತ್ತಮಾಂಗಮ್ |
ಶೃಂಗಾರವಾಟೀಕುರಂಗಂ
ಸಿದ್ಧ ಸಂಸೇವಿತಾಂಘ್ರಿಂ
ಭಜೇ ಮಾರ್ಗಬಂಧುಮ್ |
ಶಂಭೊ ಮಹಾದೇವ ದೇವ ||
ನಿತ್ಯಂ ಚಿದಾನಂದರೂಪಂ
ನಿಹ್ನುತಾಶೇಷಲೋಕೇಶವೈರಿಪ್ರತಾಪಮ್ |
ಕಾರ್ತಸ್ವರಾಗೇಂದ್ರಚಾಪಂ
ಕೃತ್ತಿವಾಸಂ ಭಜೇ ದಿವ್ಯಸನ್ಮಾರ್ಗಬಂಧುಮ್ |
ಶಂಭೊ ಮಹಾದೇವ ದೇವ ||
ಕಂದರ್ಪದರ್ಪಘ್ನಮೀಶಂ
ಕಾಲಕಂಠಂ ಮಹೇಶಂ
ಮಹಾವ್ಯೋಮಕೇಶಮ್ |
ಕುಂದಾಭದಂತಂ ಸುರೇಶಂ
ಕೋಟಿಸೂರ್ಯಪ್ರಕಾಶಂ
ಭಜೇ ಮಾರ್ಗಬಂಧುಮ್ ||
ಶಂಭೊ ಮಹಾದೇವ ದೇವ ||
ಮಂದಾರಭೂತೇರುದಾರಂ
ಮಂದರಾಗೇಂದ್ರಸಾರಂ
ಮಹಾಗೌರ್ಯದೂರಮ್ |
ಸಿಂದೂರದೂರಪ್ರಚಾರಂ
ಸಿಂಧುರಾಜಾತಿಧೀರಂ
ಭಜೇ ಮಾರ್ಗಬಂಧುಮ್ |
ಶಂಭೊ ಮಹಾದೇವ ದೇವ ||
ಅಪ್ಪಯ್ಯಯಜ್ವೇಂದ್ರ ಗೀತಂ
ಸ್ತೋತ್ರರಾಜಂ ಪಠೇದ್ಯಸ್ತು
ಭಕ್ತ್ಯಾ ಪ್ರಯಾಣೇ |
ತಸ್ಯಾರ್ಥಸಿದ್ಧಿಂ ವಿಧತ್ತೆ
ಮಾರ್ಗಮಧ್ಯೇಽಭಯಂ ಚಾಶುತೋಷೋ ಮಹೇಶಃ |
ಶಂಭೋ ಮಹಾದೇವ ದೇವ ಶಿವ
ಶಂಭೋ ಮಹಾದೇವ ದೇವೇಶ ಶಂಭೋ
ಶಂಭೋ ಮಹಾದೇವ ದೇವ ||
ಹರ ನಮಃ ಪಾರ್ವತೀ ಪತಯೇ ಹರ ಹರ ಮಹಾದೇವ |