ವಿಘ್ನೇಶ್ವರ ಭಗವಾನ ಕೀ ಜೈ | ವಿದ್ಯಾ ಗಣಪತೀ ಕೀ ಜೈ |
ವಂದೇ ದೇವಂ ವಿಬುಧವಿನುತಂ
ವೇದವೇದ್ಯಂ ದಯಾಲುಂ
ವಿಘ್ನಧ್ವಾಂತ ಪ್ರಶಮನರವಿಂ
ವಿಶ್ವವಂದ್ಯಂ ಪ್ರಸನ್ನಮ್ |
ವೇತಂಡಾಸ್ಯಂ ವಿದಲಿತರಿಪುಂ
ವಾಮದೇವಾಗ್ರ್ಯಸೂನುಂ
ವಿದ್ಯಾನಾಥಂ ವಿಮಲಯಶಸಂ
ವಾಂಛಿತಾರ್ಥಪ್ರದಂ ತಮ್ ||
ರಾಗಃ : ಸಾವೇರೀ
ತಾಲಃ : ರೂಪಕ
ಪ್ರಣಮಾಮಿ ಗಣೇಶ್ವರಂ ವಿಘ್ನಧ್ವಾಂತದಿನೇಶ್ವರಮ್ ||
ಪುರಾರಿಪ್ರಿಯನಂದನಂ ಸುರಾರಿದರ್ಪದಲನಂ
ಮುರಾರಿಪೂಜಿತಪದಂ ವಿದಾರಿತಾಂತರಾಯಮ್ ||
ಅಜ್ಞಾನಮಾಶು ವಿನಾಶಯಂತಂ
ಪ್ರಜ್ಞಾಂ ದ್ರುತಂ ಪ್ರಯಚ್ಛಂತಂ
ಭಕ್ತಾಭೀಷ್ಟಪ್ರದಾತಾರಂ
ಭಾರತೀತೀರ್ಥಪೂಜಿತಮ್ ||
ಶ್ರೀ ಗಣೇಶಂ ಭಜರೇ ಮಾನಸ
ಶ್ರೀ ಗಣೇಶಂ ಭಜ ಭಜರೇ |
ಶ್ರೀ ಗಣೇಶಂ ಶ್ರೀ ಗಣೇಶಂ
ಗಣಾಧಿನಾಥಂ ಭಜ ಭಜರೇ ||
ಶಕ್ತಿಗಣಪತಿಂ ಭಜರೇ ಮಾನಸ
ವಿದ್ಯಾಗಣಪತಿಂ ಭಜ ಭಜರೇ |
ಶಕ್ತಿಗಣಪತಿಂ ವಿದ್ಯಾಗಣಪತಿಂ
ಗಣಾಧಿನಾಥಂ ಭಜ ಭಜರೇ ||
ಸ್ತಂಭಗಣಪತಿಂ ಭಜರೇ ಮಾನಸ
ತೋರಣಗಣಪತಿಂ ಭಜರೇ |
ಸ್ತಂಭಗಣಪತಿಂ ತೋರಣಗಣಪತಿಂ
ಗಣಾಧಿನಾಥಂ ಭಜ ಭಜರೇ ||
ವಿಘ್ನೇಶ್ವರ ಭಗವಾನ ಕೀ ಜೈ | ವಿದ್ಯಾ ಗಣಪತೀ ಕೀ ಜೈ |