ಜಗದ್ಗುರು ಶಂಕರಾಚಾರ್ಯ ಗುರು ಮಹಾರಾಜ ಕೀ ಜೈ |
ಅವತೀರ್ಣಶ್ಚ ಕಾಲಟ್ಯಾಂ
ಕೇದಾರೇಂತರ್ಹಿತಶ್ಚ ಯಃ |
ಚತುಷ್ಪೀಠಪ್ರತಿಷ್ಠಾತಾ
ಜಯತಾಚ್ಛಂಕರೋ ಗುರುಃ ||
ಶ್ರೀಶಂಕರಾಚಾರ್ಯವರ್ಯಂ
ಸರ್ವಲೋಕೈಕವಂದ್ಯಂ ಭಜೇ ದೇಶಿಕೇಂದ್ರಮ್ |
ಧರ್ಮಪ್ರಚಾರೇಽತಿದಕ್ಷಂ
ಯೋಗಿಗೋವಿಂದಪಾದಾಪ್ತಸಂನ್ಯಾಸದೀಕ್ಷಮ್ |
ದುರ್ವಾದಿಗರ್ವಾಪನೋದಂ
ಪದ್ಮಪಾದಾದಿಶಿಷ್ಯಾಲಿಸಂಸೇವ್ಯಪಾದಮ್ ||
ಶಂಕಾದ್ರಿದಂಭೋಲಿಲೀಲಂ
ಕಿಂಕರಾಶೇಷಶಿಷ್ಯಾಲಿ ಸಂತ್ರಾಣಶೀಲಮ್ |
ಬಾಲಾರ್ಕನೀಕಾಶಚೇಲಂ
ಬೋಧಿತಾಶೇಷವೇದಾಂತ ಗೂಢಾರ್ಥಜಾಲಮ್ ||
ರುದ್ರಾಕ್ಷಮಾಲಾವಿಭೂಷಂ
ಚಂದ್ರಮೌಲೀಶ್ವರಾರಾಧನಾವಾಪ್ತತೋಷಮ್ |
ವಿದ್ರಾವಿತಾಶೇಷದೋಷಂ
ಭದ್ರಪೂಗಪ್ರದಂ ಭಕ್ತಲೋಕಸ್ಯ ನಿತ್ಯಮ್ ||
ಪಾಪಾಟವೀಚಿತ್ರಭಾನುಂ
ಜ್ಞಾನದೀಪೇನ ಹಾರ್ದಂ ತಮೋ ವಾರಯಂತಮ್ |
ದ್ವೈಪಾಯನಪ್ರೀತಿಭಾಜಂ
ಸರ್ವತಾಪಾಪಹಾಮೋಘಬೋಧಪ್ರದಂ ತಮ್ ||
ರಾಜಾಧಿರಾಜಾಭಿಪೂಜ್ಯಂ
ರಮ್ಯಶೃಂಗಾದ್ರಿವಾಸೈಕಲೋಲಂ ಯತೀಡ್ಯಮ್ |
ರಾಕೇಂದುಸಂಕಾಶವಕ್ತ್ರಂ ರತ್ನಗರ್ಭೇಭವಕ್ತ್ರಾಂಘ್ರಿಪೂಜಾನುರಕ್ತಮ್ ||
ಶ್ರೀಭಾರತೀತೀರ್ಥಗೀತಂ
ಶಂಕರಾರ್ಯಸ್ತವಂ ಯಃ ಪಠೇದ್ಭಕ್ತಿಯುಕ್ತಃ |
ಸೋಽವಾಪ್ನುಯಾತ್ಸರ್ವಮಿಷ್ಟಂ
ಶಂಕರಾಚಾರ್ಯವರ್ಯಪ್ರಸಾದೇನ ತೂರ್ಣಮ್ ||
ಶಂಕರದೇಶಿಕ ಮಾಂ ಪಾಹಿ
ಶಿವಗುರುತನಯ ಮಾಂ ಪಾಹಿ
ಸಜ್ಜನಪೂಜಿತ ಮಾಂ ಪಾಹಿ
ಸದ್ಗುಣಶೋಭಿತ ಮಾಂ ಪಾಹಿ
ಕಾಲಟ್ಯುದ್ಭವ ಮಾಂ ಪಾಹಿ
ಕಾಮವಿವರ್ಜಿತ ಮಾಂ ಪಾಹಿ
ಆರ್ಯಾಂಬಾಸುತ ಮಾಂ ಪಾಹಿ
ಆರ್ತಿವಿನಾಶನ ಮಾಂ ಪಾಹಿ
ಸರ್ವಜ್ಞಗುರೋ ಮಾಂ ಪಾಹಿ
ಸರ್ವಶಿವಂಕರ ಮಾಂ ಪಾಹಿ
ಜಗದ್ಗುರು ಶಂಕರಾಚಾರ್ಯ ಗುರು ಮಹಾರಾಜ ಕೀ ಜೈ |