ಜಗದ್ಗುರು ಶಂಕರಾಚಾರ್ಯ ಗುರು ಮಹಾರಾಜ ಕೀ ಜೈ |
ಶ್ರೀ ಶಂಕರೇತಿ ಸತತಂ ಪರಿಕೀರ್ತಯಂತಿ
ಪಾದಾಂಬುಜಂ ಪರಗುರೋರ್ಹೃದಿ ಚಿಂತಯಂತಿ |
ಯೇ ವೈ ತ ಏವ ಸುಖಿನಃ ಪುರುಷಾ ಹಿ ಲೋಕೇ
ಶ್ರೀ ಶಂಕರಾರ್ಯ ಮಮ ದೇಹಿ ಪದಾವಲಂಬಮ್ ||
ರಾಗಃ : ಆಭೇರೀ
ತಾಲಃ : ಆದಿ
ಭಜ ರೇ ಲೋಕಗುರುಂ ಮನುಜ
ಭಜ ರೇ ಲೋಕಗುರುಮ್ ||
ಆರ್ಯಾಂಬಾಮುಖಪಂಕಜಭಾನುಂ
ಆರ್ಯಾಜಾನಿಪದಾಂಬುಜಭೃಂಗಮ್ ||
ನಿತ್ಯಾನಿತ್ಯವಿವೇಚನಚತುರಂ
ಸತ್ಯಾದ್ವಯಚಿಚ್ಚಿಂತನನಿರತಮ್ ||
ದಂಡಕಮಂಡಲುಮಂಡಿತಪಾಣಿಂ
ಪಂಡಿತಪಾಮರವಂದಿತಪಾದಮ್ ||
ಶಂಕರಮಾಶ್ರಿತಜನಮಂದಾರಂ
ಕಿಂಕರಭಾರತೀತೀರ್ಥಸುಸೇವ್ಯಮ್ ||
ಜಗದ್ಗುರೋ ಶ್ರೀಶಂಕರ
ಮುಕ್ತಿಪ್ರದಾಯಕ ಶಂಕರ
ವಿರಾಗಿ ಪೂಜಿತ ಶಂಕರ
ವಿಭೂತಿಭೂಷಿತ ಶಂಕರ
ಭಾಷ್ಯಕಾರ ಶ್ರೀಶಂಕರ
ಭದ್ರಪ್ರದಾಯಕ ಶಂಕರ
ಸದ್ಗುರುಮೂರ್ತೇ ಶಂಕರ
ಸಂಕಟವಾರಕ ಶಂಕರ
ಶಿವಾವತಾರ ಶಂಕರ
ಶಿಷ್ಯಹಿತಂಕರ ಶಂಕರ
ಜಗದ್ಗುರು ಶಂಕರಾಚಾರ್ಯ ಗುರು ಮಹಾರಾಜ ಕೀ ಜೈ |