ಜಗದಂಬಾ ಶಾರದಾ ಮಾತಾ ಕೀ ಜೈ
ಶಾರದಾ ಶಾರದಾಂಭೋಜವದನಾ ವದನಾಂಬುಜೇ |
ಸರ್ವದಾ ಸರ್ವದಾಸ್ಮಾಕಂ
ಸನ್ನಿಧಿಂ ಸನ್ನಿಧಿಂ ಕ್ರಿಯಾತ್ ||
ರಾಗಃ : ಹಮೀರ್ ಕಲ್ಯಾಣ್
ತಾಲಃ : ಚಾಪು
ಶಾರದೇ ಕರುಣಾನಿಧೇ
ಸಕಲಾನವಾಂಬ ಸದಾ ಜನಾನ್ |
ಚಾರಣಾದಿಮಗೀತ-ವೈಭವ-ಪೂರಿತಾಖಿಲ-ದಿಕ್ತತೇ ||
ಭರ್ಮ-ಭೂಷಣ-ಭೂಷಿತೇ
ವರರತ್ನ ಮೌಲಿ ವಿರಾಜಿತೇ |
ಶರ್ಮದಾಯಿನಿ ಕರ್ಮಮೋಚಿನಿ
ನಿರ್ಮಲಂ ಕುರು ಮಾನಸಮ್ ||
ಹಸ್ತ ಸಂಧೃತ ಪುಸ್ತಕಾಕ್ಷಪಟೀ
ಸುಧಾ ಘಟ ಮುದ್ರಿಕೇ |
ಕಸ್ತವಾಸ್ತಿ ಹಿ ವರ್ಣನೇ
ಚತುರೋ ನರಃ ಖಚರೋಽಥವಾ ||
ಶಾರದೆ ಶಾರದೆ ದಿವ್ಯಮತೀದೇ ಶಾರದೆ
ಜಗದಂಬಾ ಶಾರದಾ ಮಾತಾ ಕೀ ಜೈ