ಹರಿಹರಾತ್ಮಕ ಚೈತನ್ಯ ಕೀ ಜೈ
ಮಾರಮಣಮುಮಾರಮಣಂ
ಫಣಧರತಲ್ಪಂ ಫಣಾಧರಾಕಲ್ಪಮ್ ।
ಮುರಮಥನಂ ಪುರಮಥನಂ ವಂದೇ
ಬಾಣಾರಿಮಸಮಬಾಣಾರಿಮ್ ॥
ಗೋನಯನಮಿಲಾನಯನಂ
ರವಿಶಶಿನೇತ್ರಂ ರವೀಂದುವಹ್ನ್ಯಕ್ಷಮ್ ।
ಸ್ಮರತನಯಂ ಗುಹತನಯಂ ವಂದೇ
ವೈಕುಂಠಮುಡುಪತಿಚೂಡಮ್ ॥
ಕೃಷ್ಣತನುಮುಮಾರ್ಧತನುಂ
ಶ್ವಶುರಗೃಹಸ್ಥಂ ಸುಮೇರುಶೃಂಗಸ್ಥಮ್ ।
ದಶವಪುಷಂ ವಸುವಪುಷಂ ವಂದೇ
ಭೂಜಾನಿಮಚಲಭೂಜಾನಿಮ್ ॥
ಕುಧ್ರಧರಮುದಗ್ನಿಧರಂ
ಜಲಧಿಸುತಾಕಾಂತಮಗಜಾಕಾಂತಮ್ ।
ಗರುಡಸ್ಥಂ ವೃಷಭಸ್ಥಂ ವಂದೇ
ಪಂಚಾಸ್ತ್ರಮಖಿಲದಿಗ್ವಸ್ತ್ರಮ್ ॥
ಬ್ರಹ್ಮಸುತಮೃಗಾದಿನುತಂ
ಗಜಗಿರಿವಾಸಂ ಗಜೇಂದ್ರಚರ್ಮಾಂಗಮ್ ।
ಸುರಶರಣಂ ಭವಹರಣಂ ವಂದೇ
ಭೂದಾರಮಖಿಲಭೂದಾರಮ್ ॥
ಪಾರ್ಥಸಖಮುಪಾಸ್ತಮಖಂ
ಜಲಧರಕಾಂತಿಂ ಜಲಂಧರಾರಾತಿಮ್ ।
ವಿಧಿವಿನುತಂ ವಿಧುವಿನುತಂ ವಂದೇ
ನೀಲೇಶಮಖಿಲಭೂತೇಶಮ್ ॥
ಪೀತಪಟಮರುಣಜಟಂ
ಪರಿಮಲದೇಹಂ ಪವಿತ್ರಭಸ್ಮಾಂಗಮ್ ।
ಜಲಜಕರಂ ಡಮರುಕರಂ ವಂದೇ
ಯೋಗಸ್ಥಮಖಿಲಯೋಗೀಡ್ಯಮ್ ॥
ಚಕ್ರಕರಮಭಯಕರಂ ಮಣಿಮಯಭೂಷಂ ಫಣಾಮಣೀಭೂಷಮ್ ।
ಧೃತಧನುಷಂ ಗಿರಿಧನುಷಂ ವಂದೇ
ಗೋವಿಂದಮನಘಗೋವಾಹಮ್ ॥
ವಸ್ತಾಂ ಪಿಶಂಗಂ ವಸನಂ ದಿಶೋ ವಾ
ಗರುತ್ಮತಾ ಯಾತು ಕಕುದ್ಮತಾ ವಾ ।
ನಿದ್ರಾತು ವಾ ನೃತ್ಯತು ವಾಽಧಿರಂಗಂ
ಭೇದೋ ನ ಮೇ ಸ್ಯಾತ್ಪರಮಸ್ಯ ಧಾಮ್ನಃ ॥
ಮೋಮಾರಮಣಸ್ತವನಂ ಪಠಂತಿ
ಭಕ್ತ್ಯಾ ಹರೀಶಯೋಃ ಕೃಪಯಾ |
ಭುಕ್ತ್ವೇಹ ಸಕಲ ಭೋಗಾನಂತೇ
ಗಚ್ಛಂತ್ಯನುತ್ತಮಂ ಧಾಮ ||
ಹರಿಹರಾತ್ಮಕ ಚೈತನ್ಯ ಕೀ ಜೈ