ಮಹಾಲಕ್ಷ್ಮೀ ಮಾತಾ ಕೀ ಜೈ
ನಮಸ್ತೇಽಸ್ತು ಮಹಾಮಾಯೇ
ಶ್ರೀಪೀಠೇ ಸುರಪೂಜಿತೇ |
ಶಂಖಚಕ್ರಗದಾಹಸ್ತೇ
ಮಹಾಲಕ್ಷ್ಮಿ ನಮೋಽಸ್ತುತೇ ||
ನಮಸ್ತೇ ಗರುಡಾರೂಢೇ
ಕೋಲಾಸುರಭಯಂಕರಿ |
ಸರ್ವಪಾಪಹರೇ ದೇವಿ
ಮಹಾಲಕ್ಷ್ಮಿ ನಮೋಽಸ್ತುತೇ ||
ಸರ್ವಜ್ಞೇ ಸರ್ವವರದೇ
ಸರ್ವದುಷ್ಟಭಯಂಕರಿ |
ಸರ್ವದುಃಖಹರೇ ದೇವಿ
ಮಹಾಲಕ್ಷ್ಮಿ ನಮೋಽಸ್ತುತೇ ||
ಸಿದ್ಧಿಬುದ್ಧಿಪ್ರದೇ ದೇವಿ
ಭುಕ್ತಿಮುಕ್ತಿಪ್ರದಾಯಿನಿ |
ಮಂತ್ರಪೂತೇ ಸದಾ ದೇವಿ
ಮಹಾಲಕ್ಷ್ಮಿ ನಮೋಽಸ್ತುತೇ ||
ಆದ್ಯಂತರಹಿತೇ ದೇವಿ
ಆದ್ಯಶಕ್ತಿಮಹೇಶ್ವರಿ |
ಯೋಗಜೇ ಯೋಗಸಂಭೂತೇ
ಮಹಾಲಕ್ಷ್ಮಿ ನಮೋಽಸ್ತುತೇ ||
ಸ್ಥೂಲಸೂಕ್ಷ್ಮಮಹಾರೌದ್ರೇ
ಮಹಾಶಕ್ತಿಮಹೋದರೇ |
ಮಹಾಪಾಪಹರೇ ದೇವಿ
ಮಹಾಲಕ್ಷ್ಮಿ ನಮೋಽಸ್ತುತೇ ||
ಪದ್ಮಾಸನಸ್ಥಿತೇ ದೇವಿ
ಪರಬ್ರಹ್ಮಸ್ವರೂಪಿಣಿ |
ಪರಮೇಶಿ ಜಗನ್ಮಾತರ್ಮಹಾಲಕ್ಷ್ಮಿ ನಮೋಽಸ್ತುತೇ ||
ಶ್ವೇತಾಂಬರಧರೇ ದೇವಿ
ನಾನಾಲಂಕಾರಭೂಷಿತೇ |
ಜಗತ್ಸ್ಥಿತೇ ಜಗನ್ಮಾತರ್ಮಹಾಲಕ್ಷ್ಮಿ ನಮೋಽಸ್ತುತೇ ||
ಮಹಾಲಕ್ಷ್ಮ್ಯಷ್ಟಕಂ ಸ್ತೋತ್ರಂ
ಯಃ ಪಠೇದ್ಭಕ್ತಿಮಾನ್ನರಃ |
ಸರ್ವಸಿದ್ಧಿಮವಾಪ್ನೋತಿ
ರಾಜ್ಯಂ ಪ್ರಾಪ್ನೋತಿ ಸರ್ವದಾ ||
ಏಕಕಾಲೇ ಪಠೇನ್ನಿತ್ಯಂ
ಮಹಾಪಾಪವಿನಾಶನಮ್ |
ದ್ವಿಕಾಲಂ ಯಃ ಪಠೇನ್ನಿತ್ಯಂ
ಧನಧಾನ್ಯಸಮನ್ವಿತಃ ||
ತ್ರಿಕಾಲಂ ಯಃ ಪಠೇನ್ನಿತ್ಯಂ
ಮಹಾಶತ್ರುವಿನಾಶನಮ್ |
ಮಹಾಲಕ್ಷ್ಮಿರ್ಭವೇನ್ನಿತ್ಯಂ
ಪ್ರಸನ್ನಾ ವರದಾ ಶುಭಾ ||
ಮಹಾಲಕ್ಷ್ಮೀ ಮಾತಾ ಕೀ ಜೈ