हर नमः पार्वती पतये हर हर महादेव |
शंभो महादेव देव
शिव शंभो महादेव
देवेश शंभो
शंभो महादेव देव ||
फालावनम्रत्किरीटं
फालनेत्रार्चिषा दग्धपंचेषुकीटम् |
शूलाहतारातिकूटं
शुद्धमर्धेंदुचूडं
भजे मार्गबंधुम् |
शंभॊ महादेव देव ||
अंगॆ विराजद्भुजंगं
अभ्रगंगातरंगाभिरामोत्तमांगम् |
शृंगारवाटीकुरंगं
सिद्ध संसेवितांघ्रिं
भजे मार्गबंधुम् |
शंभॊ महादेव देव ||
नित्यं चिदानंदरूपं
निह्नुताशेषलोकेशवैरिप्रतापम् |
कार्तस्वरागेंद्रचापं
कृत्तिवासं भजे दिव्यसन्मार्गबंधुम् |
शंभॊ महादेव देव ||
कंदर्पदर्पघ्नमीशं
कालकंठं महेशं
महाव्योमकेशम् |
कुंदाभदंतं सुरेशं
कोटिसूर्यप्रकाशं
भजे मार्गबंधुम् ||
शंभॊ महादेव देव ||
मंदारभूतेरुदारं
मंदरागेंद्रसारं
महागौर्यदूरम् |
सिंदूरदूरप्रचारं
सिंधुराजातिधीरं
भजे मार्गबंधुम् |
शंभॊ महादेव देव ||
अप्पय्ययज्वेंद्र गीतं
स्तोत्रराजं पठेद्यस्तु
भक्त्या प्रयाणे |
तस्यार्थसिद्धिं विधत्तॆ
मार्गमध्येऽभयं चाशुतोषो महेशः |
शंभो महादेव देव शिव
शंभो महादेव देवेश शंभो
शंभो महादेव देव ||
हर नमः पार्वती पतये हर हर महादेव |