वीर धीर शूर पराक्रम आंजनेय स्वामि की जै
वीताखिलविषयेच्छं
जातानंदाश्रुपुलकमत्यच्छम् |
सीतापतिदूताद्यं
वातात्मजमद्य भावये हृद्यम् ||
तरुणारुणमुखकमलं
करुणारसपूरपूरितापांगम् |
संजीवनमाशासे मंजुलमहिमानमंजनाभाग्यम् ||
शंबरवैरिशरातिगमंबुजदलविपुललोचनोदारम् |
कंबुगलमनिलदिष्टं
बिंबज्वलितोष्ठमेकमवलंबे ||
दूरीकृतसीतार्तिः
प्रकटीकृतरामवैभवस्फूर्तिः |
दारितदशमुखकीर्तिः
पुरतो मम भातु
हनुमतो मूर्तिः ||
वानरनिकराध्यक्षं दानवकुलकुमुदरविकरसदृक्षम् |
दीनजनावनदीक्षं पवनतपःपाकपुंजमद्राक्षम् ||
एतत्पवनसुतस्य स्तोत्रं
यः पठति पंचरत्नाख्यम् |
चिरमिह निखिलान्भोगान्भुक्त्वा
श्रीरामभक्तिभाग्भवति ||
वीर धीर शूर पराक्रम आंजनेय स्वामि की जै