జానకీ కాంత స్మరణం జయ జయ రామ రామ
నమః సచ్చిదానందరూపాయ తస్మై
నమో దేవదేవాయ రామాయ తుభ్యమ్ |
నమో జానకీజీవితేశాయ తుభ్యం
నమః పుండరీకాయతాక్షాయ తుభ్యమ్ ||
రాగః : తోడి
తాలః : రూపక
దాశరథే మాం పాలయ దారితదశవదన
దీనజనావనదీక్ష దురితాపహవీక్ష ||
కౌసల్యాప్రియతనయ కౌశికముఖవినుత
దండితదైత్యవ్రాత ఖండితహరచాప ||
ఖరదూషణముఖరక్షో విదలననిపుణశర
ఖరకిరణాన్వయసాగర రాకాశిశిరకర ||
భవభయనాశనచతుర భజతామభయకర
భరతాద్యనుజసమేత భారతీతీర్థనుత ||
శ్రీరామ రామ రామ రామ రామ
శృంగార రామ రామ రామ రామ
వైదేహి రామ రామ రామ రామ
వైకుంఠ రామ రామ రామ రామ
జానకీ కాంత స్మరణం జయ జయ రామ రామ