దక్షిణామ్నాయ శృంగేరి శారదాపీఠ జగద్గురు మహారాజ కీ జై|శృంగేరి జగద్గురు విద్యారణ్య గురు మహారాజ కీ జై|జగద్గురు నృసింహభారతీ గురు మహారాజ కీ జై|జగద్గురు శ్రీసచ్చిదానంద శివాభినవనృసింహ భారతీ గురు మహారాజ కీ జై|జగద్గురు శ్రీచంద్రశేఖరభారతీ గురు మహారాజ కీ జై|జగద్గురు శ్రీ అభినవ విద్యా తీర్థ గురు మహారాజ కీ జై|జగద్గురు శ్రీ భారతీతీర్థ గురు మహారాజ కీ జై|జగద్గురు శ్రీ విధుశేఖర భారతీ గురు మహారాజ కీ జై|
అతిభారతిమతివిభవాన్
జితతీర్థానాశ్రితాఘనిర్హరణే |
ధరణేర్దేశికచరణాన్
శరణం కరవాణి భారతీతీర్థాన్ ||
సముచితతమనామానః
శ్రీచరణా భాంతి భారతీతీర్థాః |
పరమా గురవో గురవః
ప్రీణంత్యే తేషు పూజితేషు పరమ్ ||
ఆనందే ఖలు వర్షే
జగతామానందబృందసందాత్రీ |
ఆశ్రమచర్యా తుర్యా భువనాచార్యాన్
సమాశ్రితా వర్యాన్ ||
మందస్మితాభిరామం
మందేతరకాంతి భూయసా తపసా |
సదయాపాంగం దేశికవదనం
ధ్యాయామి భూషితం భూత్యా ||
మంజులపదవిన్యాసం
మనోహరీభూతగూఢశాస్త్రార్థమ్ |
ధర్మప్రచారచతురం
శర్మదమాచార్యభాషణం జయతి ||
రుద్రాక్షభూషితాయతవక్షస్స్థలశోభిచారుకాషాయమ్ |
దోషోజ్ఝితభాషాచయవిదుషాం
వపురస్తు శాంతయేఽమీషామ్ ||
తరుణారుణసరసీరుహచరణానాం
దేశికేంద్రచరణానామ్ |
కామయతే మమ మానసమానతనృపమౌలి పాదపీఠత్వమ్ ||
వైదుష్యం రసికత్వం వాగ్మిత్వం
విస్తృతం వదాన్యత్వమ్ |
ప్రీతిర్భోగవిరక్తిస్సర్వాణ్యేతాని
భారతీగురుషు ||
కరధృతచిన్ముద్రం వరజపమాలం
హంససేవితం తేజః |
బ్రహ్మణి సక్తం కించన
మోహతమో హంతు భారతీ నామ్నా ||
నిష్కాసయితుమనంగం
లక్ష్మీతనయం తమాద్యరసహేతుమ్ |
నవమరసైకాధారాన్
లక్ష్మీతనయాన్ గురూన్ భజే సర్వాన్ ||
సుమధురవాద్యనినాదం
సపులకభక్తౌఘపరివృతం తేషామ్ |
ఆస్థానీం ప్రతి గమనం
స్మరణే స్మరణే దదాతి మే మోదమ్ ||
హీరకిరీటాన్ ప్రావృతహైమక్షౌమాన్
గురూన్ విభూషాఢ్యాన్ |
యాచే హస్తాలంబనమాలంబితభక్తవర్యపాణితలాన్ ||
వందిజనే స్తుతిముఖరే
వందారుష్వధికృతేషు పురుషేషు |
వాద్యచయే కలనినదే
విభాంతి సింహాసనే గురూత్తంసాః ||
రచితా భువనగురూణాముచితా
వసతిస్స్థలద్వయే నియతా |
శృంగే మహీధరేంద్రే
సమకాఠిన్యే మదంతరంగే చ ||
దక్షిణామ్నాయ శృంగేరి శారదాపీఠ జగద్గురు మహారాజ కీ జై|శృంగేరి జగద్గురు విద్యారణ్య గురు మహారాజ కీ జై|జగద్గురు నృసింహభారతీ గురు మహారాజ కీ జై|జగద్గురు శ్రీసచ్చిదానంద శివాభినవనృసింహ భారతీ గురు మహారాజ కీ జై|జగద్గురు శ్రీచంద్రశేఖరభారతీ గురు మహారాజ కీ జై|జగద్గురు శ్రీ అభినవ విద్యా తీర్థ గురు మహారాజ కీ జై|జగద్గురు శ్రీ భారతీతీర్థ గురు మహారాజ కీ జై|జగద్గురు శ్రీ విధుశేఖర భారతీ గురు మహారాజ కీ జై|