విఘ్నేశ్వర భగవాన కీ జై | విద్యా గణపతీ కీ జై |
వందే దేవం విబుధవినుతం
వేదవేద్యం దయాలుం
విఘ్నధ్వాంత ప్రశమనరవిం
విశ్వవంద్యం ప్రసన్నమ్ |
వేతండాస్యం విదలితరిపుం
వామదేవాగ్ర్యసూనుం
విద్యానాథం విమలయశసం
వాంఛితార్థప్రదం తమ్ ||
రాగః : సావేరీ
తాలః : రూపక
ప్రణమామి గణేశ్వరం విఘ్నధ్వాంతదినేశ్వరమ్ ||
పురారిప్రియనందనం సురారిదర్పదలనం
మురారిపూజితపదం విదారితాంతరాయమ్ ||
అజ్ఞానమాశు వినాశయంతం
ప్రజ్ఞాం ద్రుతం ప్రయచ్ఛంతం
భక్తాభీష్టప్రదాతారం
భారతీతీర్థపూజితమ్ ||
శ్రీ గణేశం భజరే మానస
శ్రీ గణేశం భజ భజరే |
శ్రీ గణేశం శ్రీ గణేశం
గణాధినాథం భజ భజరే ||
శక్తిగణపతిం భజరే మానస
విద్యాగణపతిం భజ భజరే |
శక్తిగణపతిం విద్యాగణపతిం
గణాధినాథం భజ భజరే ||
స్తంభగణపతిం భజరే మానస
తోరణగణపతిం భజరే |
స్తంభగణపతిం తోరణగణపతిం
గణాధినాథం భజ భజరే ||
విఘ్నేశ్వర భగవాన కీ జై | విద్యా గణపతీ కీ జై |