వీర ధీర శూర పరాక్రమ ఆంజనేయ స్వామి కీ జై
వీతాఖిలవిషయేచ్ఛం
జాతానందాశ్రుపులకమత్యచ్ఛమ్ |
సీతాపతిదూతాద్యం
వాతాత్మజమద్య భావయే హృద్యమ్ ||
తరుణారుణముఖకమలం
కరుణారసపూరపూరితాపాంగమ్ |
సంజీవనమాశాసే మంజులమహిమానమంజనాభాగ్యమ్ ||
శంబరవైరిశరాతిగమంబుజదలవిపులలోచనోదారమ్ |
కంబుగలమనిలదిష్టం
బింబజ్వలితోష్ఠమేకమవలంబే ||
దూరీకృతసీతార్తిః
ప్రకటీకృతరామవైభవస్ఫూర్తిః |
దారితదశముఖకీర్తిః
పురతో మమ భాతు
హనుమతో మూర్తిః ||
వానరనికరాధ్యక్షం దానవకులకుముదరవికరసదృక్షమ్ |
దీనజనావనదీక్షం పవనతపఃపాకపుంజమద్రాక్షమ్ ||
ఏతత్పవనసుతస్య స్తోత్రం
యః పఠతి పంచరత్నాఖ్యమ్ |
చిరమిహ నిఖిలాన్భోగాన్భుక్త్వా
శ్రీరామభక్తిభాగ్భవతి ||
వీర ధీర శూర పరాక్రమ ఆంజనేయ స్వామి కీ జై