గురుదేవతా భజనమంజరీ

కీర్తనమ్ — 3

లోకవీరం మహాపూజ్యం
సర్వరక్షాకరం విభుమ్ |
పార్వతీ హృదయానందం
శాస్తారం ప్రణమామ్యహమ్ ||

విప్రపూజ్యం విశ్వవంద్యం
విష్ణుశంభ్వోః ప్రియం సుతమ్ |
క్షిప్రప్రసాదనిరతం
శాస్తారం ప్రణమామ్యహమ్ ||

మత్తమాతంగగమనం
కారుణ్యామృతపూరితమ్ |
సర్వవిఘ్నహరం దేవం
శాస్తారం ప్రణమామ్యహమ్ ||

అస్మత్కులేశ్వరం దేవ­మస్మచ్ఛత్రు వినాశనమ్ |
అస్మదిష్టప్రదాతారం
శాస్తారం ప్రణమామ్యహమ్ ||

పాండ్యేశవంశతిలకం
కేరలే కేలివిగ్రహమ్ |
ఆర్తత్రాణపరం దేవం
శాస్తారం ప్రణమామ్యహమ్ ||

పంచరత్నాఖ్యమేతద్యో
నిత్యం శుద్ధః పఠేన్నరః |
తస్య ప్రసన్నో భగవాన్
శాస్తా వసతి మానసే ||