సప్తగిరి ఒడెయ వెంకటరమణ గోవింద గోవింద
శ్రీశేషశైల సునికేతన దివ్యమూర్తే
నారాయణాచ్యుత హరే నళినాయతాక్ష |
లీలాకటాక్ష పరిరక్షిత సర్వలోక
శ్రీ వేంకటేశ మమ దేహి
కరావలంబమ్ ||
బ్రహ్మాది వందిత పదాంబుజ శంఖపాణే
శ్రీమత్ సుదర్శన సుశోభిత దివ్యహస్త |
కారుణ్య సాగర శరణ్య సుపుణ్యమూర్తే
శ్రీ వేంకటేశ మమ దేహి
కరావలంబమ్ ||
వేదాంత వేద్య భవసాగర కర్ణధార
శ్రీపద్మనాభ కమలార్చిత పాదపద్మ |
లోకైకపావన పరాత్పర పాపహారిన్
శ్రీ వేంకటేశ మమ దేహి
కరావలంబమ్ ||
లక్ష్మీపతే నిగమలక్ష్య నిజస్వరూప
కామాదిదోష-పరిహారక బోధదాయిన్ |
దైత్యాదిమర్దన జనార్దన వాసుదేవ
శ్రీ వేంకటేశ మమ దేహి
కరావలంబమ్ ||
తాపత్రయం హర విభో రభసా మురారే
సంరక్ష మాం కరుణయా సరసీరుహాక్ష |
మచ్ఛిష్యమిత్యనుదినం పరిరక్ష విష్ణో
శ్రీ వేంకటేశ మమ దేహి
కరావలంబమ్ ||
శ్రీజాతరూప నవరత్నలసత్కిరీట
కస్తూరికా-తిలక-శోభి-లలాట-దేశ |
రాకేందుబింబ వదనాంబుజ వారిజాక్ష
శ్రీ వేంకటేశ మమ దేహి
కరావలంబమ్ ||
వందారులోక వరదానవచోవిలాస
రత్నాఢ్యహార పరిశోభిత-కంబుకంఠ |
కేయూర-రత్న-సువిభాసి-దిగంతరాల
శ్రీ వేంకటేశ మమ దేహి
కరావలంబమ్ ||
దివ్యాంగదాంకిత భుజద్వయ మంగలాత్మన్
కేయూరభూషణ సుశోభిత దీర్ఘబాహో |
నాగేంద్ర-కంకణ-కరద్వయ కామదాయిన్
శ్రీ వేంకటేశ మమ దేహి
కరావలంబమ్ ||
స్వామిన్ జగద్ధరణ వారిధి మధ్యమగ్నం
మాముద్ధరార్య కృపయా కరుణాపయోధే |
లక్ష్మీంశ్చ దేహి మమ ధర్మ సమృద్ధి హేతుం
శ్రీ వేంకటేశ మమ దేహి
కరావలంబమ్ ||
దివ్యాంగ రాగ పరిచర్చిత కోమలాంగ
పీతాంబరావృత-తనో తరుణార్క-భాస |
సత్కాంచనాభ పరిధానసుపట్టబంధ
శ్రీ వేంకటేశ మమ దేహి
కరావలంబమ్ ||
రత్నాఢ్యధామ సునిబద్ధ-కటిప్రదేశ
మాణిక్య దర్పణ సుసన్నిభజానుదేశ |
జంఘాద్వయేన పరిమోహిత సర్వలోక
శ్రీ వేంకటేశ మమ దేహి
కరావలంబమ్ ||
లోకైకపావన సరిత్పరిశోభితాంఘ్రే
త్వత్పాదదర్శనదినే చ మమాఘమేష |
హార్దం తమశ్చ సకలం లయమాప భూమన్
శ్రీ వేంకటేశ మమ దేహి
కరావలంబమ్ ||
కామాదివైరి నివహోచ్యుత మే ప్రయాతః
దారిద్ర్యమప్యపతతం సకలం దయాలో |
దీనం చ మాం సమవలోక్య దయార్ద్ర దృష్ట్యా
శ్రీ వేంకటేశ మమ దేహి
కరావలంబమ్ ||
శ్రీ వేంకటేశ పదపంకజ షట్పదేన
శ్రీమన్ నృసింహ యతినా రచితం జగత్యామ్ |
యే తత్ పఠంతి మనుజాః పురుషోత్తమస్య
తే ప్రాప్నువంతి పరమాం పదవీం మురారేః ||
సప్తగిరి ఒడెయ వెంకటరమణ గోవింద గోవింద