హరిహరాత్మక చైతన్య కీ జై
మారమణముమారమణం
ఫణధరతల్పం ఫణాధరాకల్పమ్ ।
మురమథనం పురమథనం వందే
బాణారిమసమబాణారిమ్ ॥
గోనయనమిలానయనం
రవిశశినేత్రం రవీందువహ్న్యక్షమ్ ।
స్మరతనయం గుహతనయం వందే
వైకుంఠముడుపతిచూడమ్ ॥
కృష్ణతనుముమార్ధతనుం
శ్వశురగృహస్థం సుమేరుశృంగస్థమ్ ।
దశవపుషం వసువపుషం వందే
భూజానిమచలభూజానిమ్ ॥
కుధ్రధరముదగ్నిధరం
జలధిసుతాకాంతమగజాకాంతమ్ ।
గరుడస్థం వృషభస్థం వందే
పంచాస్త్రమఖిలదిగ్వస్త్రమ్ ॥
బ్రహ్మసుతమృగాదినుతం
గజగిరివాసం గజేంద్రచర్మాంగమ్ ।
సురశరణం భవహరణం వందే
భూదారమఖిలభూదారమ్ ॥
పార్థసఖముపాస్తమఖం
జలధరకాంతిం జలంధరారాతిమ్ ।
విధివినుతం విధువినుతం వందే
నీలేశమఖిలభూతేశమ్ ॥
పీతపటమరుణజటం
పరిమలదేహం పవిత్రభస్మాంగమ్ ।
జలజకరం డమరుకరం వందే
యోగస్థమఖిలయోగీడ్యమ్ ॥
చక్రకరమభయకరం మణిమయభూషం ఫణామణీభూషమ్ ।
ధృతధనుషం గిరిధనుషం వందే
గోవిందమనఘగోవాహమ్ ॥
వస్తాం పిశంగం వసనం దిశో వా
గరుత్మతా యాతు కకుద్మతా వా ।
నిద్రాతు వా నృత్యతు వాఽధిరంగం
భేదో న మే స్యాత్పరమస్య ధామ్నః ॥
మోమారమణస్తవనం పఠంతి
భక్త్యా హరీశయోః కృపయా |
భుక్త్వేహ సకల భోగానంతే
గచ్ఛంత్యనుత్తమం ధామ ||
హరిహరాత్మక చైతన్య కీ జై