śuklāṃbaradharaṃ viṣṇuṃ
śaśivarṇaṃ chaturbhujam |
prasannavadanaṃ dhyāyēt
sarvavighnōpaśāṃtayē ||
mālā-sudhā-kuṃbha-vibōdhamudrā-
vidyāvirājatkaravārijātām |
apārakāruṇya sudhāṃburāśiṃ
śrīśāradāṃbāṃ praṇatō'smi nityam ||
sadāśiva samāraṃbhāṃ
śaṃkarāchārya madhyamām |
asmadāchārya paryaṃtāṃ
vaṃdē guruparaṃparām ||
gururbrahmā gururviṣṇuḥ
gururdēvō mahēśvaraḥ |
gurussākṣāt paraṃbrahma
tasmai śrīguravē namaḥ ||
śrutismṛtipurāṇānāmālayaṃ
karuṇālayam |
namāmi bhagavatpādaśaṃkaraṃ
lōkaśaṃkaram ||
avatīrṇaścha kālaṭyāṃ
kēdārēṃtarhitaścha yaḥ |
chatuṣpīṭhapratiṣṭhātā
jayatāchchhaṃkarō guruḥ ||
śivaṃ śivakaraṃ śāṃtaṃ
śivātmānaṃ śivōttamam |
śivamārga praṇētāraṃ
praṇatōsmi sadāśivam ||
śivāya viṣṇurūpāya
śivarūpāya viṣṇavē |
śivasya hṛdayaṃ viṣṇur
viṣṇōścha hṛdayaṃ śivaḥ ||
sarvamaṃgalamāgalyē
śivē sarvārthasādhikē |
śaraṇyē tryaṃbakē gauri
nārāyaṇi namō'stu tē ||
prahlāda nārada parāśara puṃḍarīka
vyāsāṃbarīṣa śuka śaunaka bhīṣmadālbhyān |
rukmāṃgadārjuna vasiṣṭha vibhīṣaṇādīn
dhanyānimān paramabhāgavatān smarāmi ||
harērnāmaiva nāmaiva
nāmaiva mama jīvanam |
kalau nāstyēva nāstyēva
nāstyēva gatiranyathā ||
kālakṣēpō na kartavyaḥ
kṣīṇamāyuḥ kṣaṇē kṣaṇē
yamasya karuṇānāsti
kartavyaṃ harikīrtanam ||
nāhaṃ vasāmi vaikuṃṭhē
yōgināṃ hṛdayē na cha |
madbhaktā yatra gāyaṃti
tatra tiṣṭhāmi nārada ||
vātsalyādabhayapradānasamayādārtārtinirvāpaṇāt
audāryādaghaśōṣaṇādagaṇitaśrēyaḥpadaprāpaṇāt |
sēvyaḥ śrīpatirēka ēva jagatāṃ
saṃtyatra ṣaṭsākṣiṇaḥ
prahlādaścha vibhīṣaṇaścha karirāṭ
pāṃchālyahalyā dhruvaḥ ||
vaidēhī sahitaṃ suradrumatalē
haimē mahāmaṃḍapē
madhyē puṣpakamāsanē maṇimayē
vīrāsanē susthitam |
agrē vāchayati prabhaṃjanasutē
tattvaṃ munibhyaḥ paraṃ
vyākhyāṃtaṃ bharatādibhiḥ parivṛtaṃ
rāmaṃ bhajē śyāmalam ||
yatra yatra raghunātha kīrtanaṃ
tatra tatra kṛtamastakāṃjalim |
bāṣpavāri paripūrṇa lōchanaṃ
mārutiṃ namata rākṣasāṃtakam ||