dakṣiṇāmnāya śṛṃgēri śāradāpīṭha jagadguru mahārāja kī jai|śṛṃgēri jagadguru vidyāraṇya guru mahārāja kī jai|jagadguru nṛsiṃhabhāratī guru mahārāja kī jai|jagadguru śrīsachchidānaṃda śivābhinavanṛsiṃha bhāratī guru mahārāja kī jai|jagadguru śrīchaṃdraśēkharabhāratī guru mahārāja kī jai|jagadguru śrī abhinava vidyā tīrtha guru mahārāja kī jai|jagadguru śrī bhāratītīrtha guru mahārāja kī jai|jagadguru śrī vidhuśēkhara bhāratī guru mahārāja kī jai|
nālīkanīkāśapadādṛtābhyāṃ
nārīvimōhādinivārakābhyām |
namajjanābhīṣṭatatipradābhyāṃ
namō namaḥ śrīgurupādukābhyām ||
śamādiṣaṭkapradavaibhavābhyāṃ
samādhidānavratadīkṣitābhyām |
ramādhavāṃghri sthirabhaktidābhyāṃ
namō namaḥ śrīgurupādukābhyām ||
nṛpālimaulivrajaratnakāṃti-
saridvirājajjhaṣakanyakābhyām |
nṛpatvadābhyāṃ natalōkapaṃktē-
rnamō namaḥ śrīgurupādukābhyām ||
anaṃtasaṃsārasamudratāra-
naukāyitābhyāṃ gurubhaktidābhyām |
vairāgyasāmrājyadapūjanābhyāṃ
namō namaḥ śrīgurupādukābhyām ||
pāpāṃdhakārārkaparaṃparābhyāṃ
tāpatrayāhīṃdrakhagēśvarābhyām |
jāḍyābdhisaṃśōṣaṇabāḍabābhyāṃ
namō namaḥ śrīgurupādukābhyām ||
kavitvavārāśiniśākarābhyāṃ
dāridryadāvāṃbudamālikābhyām |
dūrīkṛtānamravipattatibhyāṃ
namō namaḥ śrīgurupādukābhyām ||
natā yayōḥ śrīpatitāṃ samīyuḥ
kadāchidapyāśu daridravaryāḥ |
mūkāścha vāchaspatitāṃ hi tābhyāṃ
namō namaḥ śrīgurupādukābhyām ||
kāmādisarpavrajabhaṃjakābhyāṃ
vivēkavairāgyanidhipradābhyām |
bōdhapradābhyāṃ drutamōkṣadābhyāṃ
namō namaḥ śrīgurupādukābhyām ||
svārchāparāṇāmakhilēṣṭadābhyāṃ
svāhāsahāyākṣadhuraṃdharābhyām |
svāṃtāchchhabhāvapradapūjanābhyāṃ
namō namaḥ śrīgurupādukābhyām ||
dakṣiṇāmnāya śṛṃgēri śāradāpīṭha jagadguru mahārāja kī jai|śṛṃgēri jagadguru vidyāraṇya guru mahārāja kī jai|jagadguru nṛsiṃhabhāratī guru mahārāja kī jai|jagadguru śrīsachchidānaṃda śivābhinavanṛsiṃha bhāratī guru mahārāja kī jai|jagadguru śrīchaṃdraśēkharabhāratī guru mahārāja kī jai|jagadguru śrī abhinava vidyā tīrtha guru mahārāja kī jai|jagadguru śrī bhāratītīrtha guru mahārāja kī jai|jagadguru śrī vidhuśēkhara bhāratī guru mahārāja kī jai|