gurudēvatā bhajanamaṃjarī

kīrtanam — 2

śrīśēṣaśaila sunikētana divyamūrtē
nārāyaṇāchyuta harē naḷināyatākṣa |
līlākaṭākṣa parirakṣita sarvalōka
śrī vēṃkaṭēśa mama dēhi
karāvalaṃbam ||

brahmādi vaṃdita padāṃbuja śaṃkhapāṇē
śrīmat sudarśana suśōbhita divyahasta |
kāruṇya sāgara śaraṇya supuṇyamūrtē
śrī vēṃkaṭēśa mama dēhi
karāvalaṃbam ||

vēdāṃta vēdya bhavasāgara karṇadhāra
śrīpadmanābha kamalārchita pādapadma |
lōkaikapāvana parātpara pāpahārin
śrī vēṃkaṭēśa mama dēhi
karāvalaṃbam ||

lakṣmīpatē nigamalakṣya nijasvarūpa
kāmādidōṣa-parihāraka bōdhadāyin |
daityādimardana janārdana vāsudēva
śrī vēṃkaṭēśa mama dēhi
karāvalaṃbam ||

tāpatrayaṃ hara vibhō rabhasā murārē
saṃrakṣa māṃ karuṇayā sarasīruhākṣa |
machchhiṣyamityanudinaṃ parirakṣa viṣṇō
śrī vēṃkaṭēśa mama dēhi
karāvalaṃbam ||

śrījātarūpa navaratnalasatkirīṭa
kastūrikā-tilaka-śōbhi-lalāṭa-dēśa |
rākēṃdubiṃba vadanāṃbuja vārijākṣa
śrī vēṃkaṭēśa mama dēhi
karāvalaṃbam ||

vaṃdārulōka varadānavachōvilāsa
ratnāḍhyahāra pariśōbhita-kaṃbukaṃṭha |
kēyūra-ratna-suvibhāsi-digaṃtarāla
śrī vēṃkaṭēśa mama dēhi
karāvalaṃbam ||

divyāṃgadāṃkita bhujadvaya maṃgalātman
kēyūrabhūṣaṇa suśōbhita dīrghabāhō |
nāgēṃdra-kaṃkaṇa-karadvaya kāmadāyin
śrī vēṃkaṭēśa mama dēhi
karāvalaṃbam ||

svāmin jagaddharaṇa vāridhi madhyamagnaṃ
māmuddharārya kṛpayā karuṇāpayōdhē |
lakṣmīṃścha dēhi mama dharma samṛddhi hētuṃ
śrī vēṃkaṭēśa mama dēhi
karāvalaṃbam ||

divyāṃga rāga paricharchita kōmalāṃga
pītāṃbarāvṛta-tanō taruṇārka-bhāsa |
satkāṃchanābha paridhānasupaṭṭabaṃdha
śrī vēṃkaṭēśa mama dēhi
karāvalaṃbam ||

ratnāḍhyadhāma sunibaddha-kaṭipradēśa
māṇikya darpaṇa susannibhajānudēśa |
jaṃghādvayēna parimōhita sarvalōka
śrī vēṃkaṭēśa mama dēhi
karāvalaṃbam ||

lōkaikapāvana saritpariśōbhitāṃghrē
tvatpādadarśanadinē cha mamāghamēṣa |
hārdaṃ tamaścha sakalaṃ layamāpa bhūman
śrī vēṃkaṭēśa mama dēhi
karāvalaṃbam ||

kāmādivairi nivahōchyuta mē prayātaḥ
dāridryamapyapatataṃ sakalaṃ dayālō |
dīnaṃ cha māṃ samavalōkya dayārdra dṛṣṭyā
śrī vēṃkaṭēśa mama dēhi
karāvalaṃbam ||

śrī vēṃkaṭēśa padapaṃkaja ṣaṭpadēna
śrīman nṛsiṃha yatinā rachitaṃ jagatyām |
yē tat paṭhaṃti manujāḥ puruṣōttamasya
tē prāpnuvaṃti paramāṃ padavīṃ murārēḥ ||