ದಕ್ಷಿಣಾಮ್ನಾಯ ಶೃಂಗೇರಿ ಶಾರದಾಪೀಠ ಜಗದ್ಗುರು ಮಹಾರಾಜ ಕೀ ಜೈ|ಶೃಂಗೇರಿ ಜಗದ್ಗುರು ವಿದ್ಯಾರಣ್ಯ ಗುರು ಮಹಾರಾಜ ಕೀ ಜೈ|ಜಗದ್ಗುರು ನೃಸಿಂಹಭಾರತೀ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀಸಚ್ಚಿದಾನಂದ ಶಿವಾಭಿನವನೃಸಿಂಹ ಭಾರತೀ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀಚಂದ್ರಶೇಖರಭಾರತೀ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀ ಅಭಿನವ ವಿದ್ಯಾ ತೀರ್ಥ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀ ಭಾರತೀತೀರ್ಥ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀ ವಿಧುಶೇಖರ ಭಾರತೀ ಗುರು ಮಹಾರಾಜ ಕೀ ಜೈ|
ಅತಿಭಾರತಿಮತಿವಿಭವಾನ್
ಜಿತತೀರ್ಥಾನಾಶ್ರಿತಾಘನಿರ್ಹರಣೇ |
ಧರಣೇರ್ದೇಶಿಕಚರಣಾನ್
ಶರಣಂ ಕರವಾಣಿ ಭಾರತೀತೀರ್ಥಾನ್ ||
ಸಮುಚಿತತಮನಾಮಾನಃ
ಶ್ರೀಚರಣಾ ಭಾಂತಿ ಭಾರತೀತೀರ್ಥಾಃ |
ಪರಮಾ ಗುರವೋ ಗುರವಃ
ಪ್ರೀಣಂತ್ಯೇ ತೇಷು ಪೂಜಿತೇಷು ಪರಮ್ ||
ಆನಂದೇ ಖಲು ವರ್ಷೇ
ಜಗತಾಮಾನಂದಬೃಂದಸಂದಾತ್ರೀ |
ಆಶ್ರಮಚರ್ಯಾ ತುರ್ಯಾ ಭುವನಾಚಾರ್ಯಾನ್
ಸಮಾಶ್ರಿತಾ ವರ್ಯಾನ್ ||
ಮಂದಸ್ಮಿತಾಭಿರಾಮಂ
ಮಂದೇತರಕಾಂತಿ ಭೂಯಸಾ ತಪಸಾ |
ಸದಯಾಪಾಂಗಂ ದೇಶಿಕವದನಂ
ಧ್ಯಾಯಾಮಿ ಭೂಷಿತಂ ಭೂತ್ಯಾ ||
ಮಂಜುಲಪದವಿನ್ಯಾಸಂ
ಮನೋಹರೀಭೂತಗೂಢಶಾಸ್ತ್ರಾರ್ಥಮ್ |
ಧರ್ಮಪ್ರಚಾರಚತುರಂ
ಶರ್ಮದಮಾಚಾರ್ಯಭಾಷಣಂ ಜಯತಿ ||
ರುದ್ರಾಕ್ಷಭೂಷಿತಾಯತವಕ್ಷಸ್ಸ್ಥಲಶೋಭಿಚಾರುಕಾಷಾಯಮ್ |
ದೋಷೋಜ್ಝಿತಭಾಷಾಚಯವಿದುಷಾಂ
ವಪುರಸ್ತು ಶಾಂತಯೇಽಮೀಷಾಮ್ ||
ತರುಣಾರುಣಸರಸೀರುಹಚರಣಾನಾಂ
ದೇಶಿಕೇಂದ್ರಚರಣಾನಾಮ್ |
ಕಾಮಯತೇ ಮಮ ಮಾನಸಮಾನತನೃಪಮೌಲಿ ಪಾದಪೀಠತ್ವಮ್ ||
ವೈದುಷ್ಯಂ ರಸಿಕತ್ವಂ ವಾಗ್ಮಿತ್ವಂ
ವಿಸ್ತೃತಂ ವದಾನ್ಯತ್ವಮ್ |
ಪ್ರೀತಿರ್ಭೋಗವಿರಕ್ತಿಸ್ಸರ್ವಾಣ್ಯೇತಾನಿ
ಭಾರತೀಗುರುಷು ||
ಕರಧೃತಚಿನ್ಮುದ್ರಂ ವರಜಪಮಾಲಂ
ಹಂಸಸೇವಿತಂ ತೇಜಃ |
ಬ್ರಹ್ಮಣಿ ಸಕ್ತಂ ಕಿಂಚನ
ಮೋಹತಮೋ ಹಂತು ಭಾರತೀ ನಾಮ್ನಾ ||
ನಿಷ್ಕಾಸಯಿತುಮನಂಗಂ
ಲಕ್ಷ್ಮೀತನಯಂ ತಮಾದ್ಯರಸಹೇತುಮ್ |
ನವಮರಸೈಕಾಧಾರಾನ್
ಲಕ್ಷ್ಮೀತನಯಾನ್ ಗುರೂನ್ ಭಜೇ ಸರ್ವಾನ್ ||
ಸುಮಧುರವಾದ್ಯನಿನಾದಂ
ಸಪುಲಕಭಕ್ತೌಘಪರಿವೃತಂ ತೇಷಾಮ್ |
ಆಸ್ಥಾನೀಂ ಪ್ರತಿ ಗಮನಂ
ಸ್ಮರಣೇ ಸ್ಮರಣೇ ದದಾತಿ ಮೇ ಮೋದಮ್ ||
ಹೀರಕಿರೀಟಾನ್ ಪ್ರಾವೃತಹೈಮಕ್ಷೌಮಾನ್
ಗುರೂನ್ ವಿಭೂಷಾಢ್ಯಾನ್ |
ಯಾಚೇ ಹಸ್ತಾಲಂಬನಮಾಲಂಬಿತಭಕ್ತವರ್ಯಪಾಣಿತಲಾನ್ ||
ವಂದಿಜನೇ ಸ್ತುತಿಮುಖರೇ
ವಂದಾರುಷ್ವಧಿಕೃತೇಷು ಪುರುಷೇಷು |
ವಾದ್ಯಚಯೇ ಕಲನಿನದೇ
ವಿಭಾಂತಿ ಸಿಂಹಾಸನೇ ಗುರೂತ್ತಂಸಾಃ ||
ರಚಿತಾ ಭುವನಗುರೂಣಾಮುಚಿತಾ
ವಸತಿಸ್ಸ್ಥಲದ್ವಯೇ ನಿಯತಾ |
ಶೃಂಗೇ ಮಹೀಧರೇಂದ್ರೇ
ಸಮಕಾಠಿನ್ಯೇ ಮದಂತರಂಗೇ ಚ ||
ದಕ್ಷಿಣಾಮ್ನಾಯ ಶೃಂಗೇರಿ ಶಾರದಾಪೀಠ ಜಗದ್ಗುರು ಮಹಾರಾಜ ಕೀ ಜೈ|ಶೃಂಗೇರಿ ಜಗದ್ಗುರು ವಿದ್ಯಾರಣ್ಯ ಗುರು ಮಹಾರಾಜ ಕೀ ಜೈ|ಜಗದ್ಗುರು ನೃಸಿಂಹಭಾರತೀ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀಸಚ್ಚಿದಾನಂದ ಶಿವಾಭಿನವನೃಸಿಂಹ ಭಾರತೀ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀಚಂದ್ರಶೇಖರಭಾರತೀ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀ ಅಭಿನವ ವಿದ್ಯಾ ತೀರ್ಥ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀ ಭಾರತೀತೀರ್ಥ ಗುರು ಮಹಾರಾಜ ಕೀ ಜೈ|ಜಗದ್ಗುರು ಶ್ರೀ ವಿಧುಶೇಖರ ಭಾರತೀ ಗುರು ಮಹಾರಾಜ ಕೀ ಜೈ|