ಜಗದಂಬಾ ಶಾರದಾ ಮಾತಾ ಕೀ ಜೈ
ವಿದ್ಯಾಮುದ್ರಾಕ್ಷಮಾಲಾಽಮೃತಘಟವಿಲಸತ್ಪಾಣಿಪಾಥೋಜಜಾಲೇ
ವಿದ್ಯಾದಾನಪ್ರವೀಣೇ
ಜಡಬಧಿರಮುಖೇಭ್ಯೋಽಪಿ
ಶೀಘ್ರಂ ನತೇಭ್ಯಃ ।
ಕಾಮಾದೀನಾಂತರಾನ್
ಮತ್ಸಹಜರಿಪುವರಾನ್
ದೇವಿ ನಿರ್ಮೂಲ್ಯ ವೇಗಾತ್
ವಿದ್ಯಾಂ ಶುದ್ಧಾಂ ಚ ಬುದ್ಧಿಂ
ಕಮಲಜದಯಿತೇ ಸತ್ವರಂ ದೇಹಿ ಮಹ್ಯಮ್ ||
ರಾಗಃ : ಸಾರಮತೀ
ತಾಲಃ : ಖಂಡಛಾಪು
ಶ್ರೀಶಾರದಾಂಬಾಂ ಭಜೇ ಶ್ರಿತಕಲ್ಪವಲ್ಲೀಮ್ |
ಕಾರುಣ್ಯವಾರಾಂನಿಧಿಂ ಕಲಿಕಲ್ಮಷಘ್ನೀಮ್||
ಇಂದ್ರಾದಿದೇವಾರ್ಚ್ಯಪಾದಾಂಬುಜಾತಾಮ್ |
ಈಶಿತ್ವಮುಖ್ಯಾಷ್ಟಸಿದ್ಧಿಪ್ರದಾತ್ರೀಮ್ ||
ಊಹಾಪಥಾತೀತಮಾಹಾತ್ಮ್ಯಯುಕ್ತಾಮ್ |
ಮೋಹಾಂಧಕಾರಾಪಹಸ್ವಾಭಿಧಾನಾಮ್ ||
ಶ್ರೀಶಂಕರಾಚಾರ್ಯಸಂಸೇವಿತಾಂಘ್ರಿಮ್ |
ಶ್ರೀಶೃಂಗಗಿರ್ಯಾಖ್ಯಪುರ್ಯಾಂ ವಸಂತೀಮ್ ||
ಶ್ರೀವಾಗ್ವಿಭೂತ್ಯಾದಿದಾನಪ್ರವೀಣಾಮ್ |
ಶ್ರೀಭಾರತೀತೀರ್ಥಹೃತ್ಪದ್ಮವಾಸಾಮ್ ||
ಶಂಕರ ಪೂಜಿತೇ ಶಾರದೇ
ಶರ್ವಸಹೋದರಿ ಶಾರದೇ
ಅಭೀಷ್ಟವರದೇ ಶಾರದೇ
ಅದ್ಭುತಚರಿತೇ ಶಾರದೇ
ಶೃಂಗಗಿರಿಸ್ಥೇ ಶಾರದೇ
ಶ್ರುತಿಪ್ರತಿಪಾದ್ಯೆ ಶಾರದೇ
ಮಂಗಲದಾಯಿನಿ ಶಾರದೇ
ಸಂಗೀತಪ್ರಿಯೇ ಶಾರದೇ
ಕಾಮಿತವರದೇ ಶಾರದೇ
ಕೋಮಲಚರಣೇ ಶಾರದೇ
ಜಗದಂಬಾ ಶಾರದಾ ಮಾತಾ ಕೀ ಜೈ