शंकारूपेण मच्चित्तं
पंकीकृतमभूद्यया |
किंकरी यस्य सा माया शंकराचार्यमाश्रये ||1||
प्रह्लादवरदो देवो
यो नृसिंहः परो हरिः |
नृसिंहोपासकं नित्यं
तं नृसिंहगुरुं भजे ||2||
श्रीसच्चिदानंद शिवाभिनव्यनृसिंहभारत्यभिधान् यतींद्रान् |
विद्यानिधीन् मंत्रनिधीन्
सदात्मनिष्ठान् भजे मानवशंभुरूपान् ||3||
सदात्मध्याननिरतं
विषयेभ्यः पराङ्मुखम् |
नौमि शास्त्रेषु निष्णातं
चंद्रशेखरभारतीम् ||4||
विवेकिनं महाप्रज्ञं
धैर्यौदार्यक्षमानिधिम् |
सदाभिनवपूर्वं तं
विद्यातीर्थगुरुं भजे ||5||
अज्ञानां जाह्नवीतीर्थं
विद्यातीर्थं विवेकिनाम् |
सर्वेषां सुखदं तीर्थं
भारतीतीर्थमाश्रये ||6||
विद्याविनयसंपन्नं
वीतरागं विवेकिनम् |
वंदे वेदांततत्त्वज्ञं
विधुशेखरभारतीम् ||7||